影片
更多
2021-07-25
54 浏览
香港有唔小主题餐厅，之前去过观塘既运动主题餐厅，入面仲要有足球机可以玩，今次又比我发掘到新既主题餐厅。Lockeroom Dining系一间足球主题既餐厅，系以英超足球队阿仙奴为主题，店内装潢布局都以阿仙奴足球队为主题，啱晒一众球迷。入到黎之后就知老细随左系阿仙奴球迷之外，系装修设计上都特别用心，一出电梯就会见到餐厅地板铺上仿草地，用上绿色球场图案，装潢以红白色为主，系阿仙奴既经典色调，餐厅右手边有唔小阿仙奴精品同相片，落地玻璃窗上面仲挂住唔少阿仙奴球员球衣，有阿仙奴著名球员奥斯尔、阿迪达、韦拉、皮里斯既波衫，有几件波衫仲有球员亲笔签名，想像唔到如果球迷见到会有几兴奋。平日夜晚黎到唔算好多人，我谂有5-7成入座率，不过某啲枱同枱唔算话好远晚市时段除左有set dinner，仲有可以单点牛扒、猪扒、杂扒、意粉、三文鱼等，set dinner有18款选择咁多，价钱由百几到二百几，包餐汤、餐包、沙律、主菜同饮品，我就叫左两份set dinner同两份甜品，因为set dinner可以6折享用甜品。呢度连餐碟都系足球场造型，超级可爱，店主好有心思。-🥗 是日精选沙律 💰0（👅: 7.5/10）
Lockeroom Dining系一间足球主题既餐厅，系以英超足球队阿仙奴为主题，店内装潢布局都以阿仙奴足球队为主题，啱晒一众球迷。
入到黎之后就知老细随左系阿仙奴球迷之外，系装修设计上都特别用心，一出电梯就会见到餐厅地板铺上仿草地，用上绿色球场图案，装潢以红白色为主，系阿仙奴既经典色调，餐厅右手边有唔小阿仙奴精品同相片，落地玻璃窗上面仲挂住唔少阿仙奴球员球衣，有阿仙奴著名球员奥斯尔、阿迪达、韦拉、皮里斯既波衫，有几件波衫仲有球员亲笔签名，想像唔到如果球迷见到会有几兴奋。
平日夜晚黎到唔算好多人，我谂有5-7成入座率，不过某啲枱同枱唔算话好远
晚市时段除左有set dinner，仲有可以单点牛扒、猪扒、杂扒、意粉、三文鱼等，set dinner有18款选择咁多，价钱由百几到二百几，包餐汤、餐包、沙律、主菜同饮品，我就叫左两份set dinner同两份甜品，因为set dinner可以6折享用甜品。
呢度连餐碟都系足球场造型，超级可爱，店主好有心思。
-
🥗 是日精选沙律 💰0（👅: 7.5/10）
是日精选沙律
5 浏览
1 赞好
0 留言
呢度既晚餐都会跟是日沙律、餐汤同面包，所以食晚餐既通常都可以食得饱。
呢度既沙律上枱时系用密封既玻璃樽装住，可能系预先整好再雪，不过就够卫生，黑醋酱会独立上比客人按自己喜好加，沙律菜食落够冰冻，咬落更加爽脆，夏天食不得了，黑醋酱比较杰身，加咗之后令到沙律够酸，食落开胃。
除咗菜仲有三色椒、车厘茄同比较小见既蜜桃爆珠，食落清新，蜜桃爆珠系出奇地夹，因为多咗酸酸甜甜嘅味道，更加开胃。
-
是日餐汤 💰0（👅: 8/10）
是日餐汤
4 浏览
1 赞好
0 留言
餐汤系南瓜汤，饮落够甜，唔系死甜而系南瓜本身既甜，汤入边有好多南瓜蓉，味道几浓，不过呢个南瓜汤无落忌廉，饮落同平时既会小左啲顺滑。
-
🥖 蒜香牛油法包 💰0（👅: 8/10）
蒜香牛油法包
6 浏览
1 赞好
0 留言
餐包系牛油法包，算厚身，上面有蒜头碎粒，虽然佢系叫法包，但咬落外层完全唔系硬，而系脆，入面系软熟，绝对系外脆内软，系我钟意既面包质感，蒜香味重，所以几惹味，食落味道偏甜，略嫌牛油味可以再重啲。
-
1️⃣ 波士顿活龙虾(半只)配白松露忌廉 扁面 💰168（👅: 8/10）
波士顿活龙虾(半只)配白松露忌廉 扁面
$168
4 浏览
1 赞好
0 留言
酱汁方面除咗又白松露忌廉仲可以拣蕃茄汁，而除左扁面可以拣意大利饭。
上枱𠮶时白松露嘅香味非常浓郁，白松露忌廉入口非常creamy，味道好浓，意大利扁面咬落弹牙有嚼劲，口感会偏向少少硬，每一条都可以沾满味道够重既白松露忌廉，而且有唔小洋葱，加上鸡髀菇、杂菌，真系欲罢不能，如果钟意白松露嘅人一定抗拒唔到，系我近排食过最重松露味嘅菜式。
而波士顿龙虾系半只开边，食落肉质算鲜甜，咬落弹牙，虾膏有唔小，略嫌焗到熟咗少少，龙虾加咗芝士同蟹籽去焗，芝士份量澎湃，味道几夹，可以突出龙虾嘅鲜味，另外仲有一只龙虾钳，以呢个价钱来讲算系咁。
-
2️⃣ 香烧美国Creekstone牛肉眼拼法国鹅肝 💰238（👅: 7.5/10）
香烧美国Creekstone牛肉眼拼法国鹅肝
$238
6 浏览
1 赞好
0 留言
上枱时会闻到牛扒既牛脂味，令人食指大动，
牛肉眼系Creekstone，系一种100%天然嘅纯黑angus beef，采用纯天然饲养嘅方法，无添加生长激素同荷尔蒙，系优质嘅牌子，牛扒都几大份，落单时要求medium，切开时都无见到有血水，系生熟程度控制得唔错。
牛扒食到牛味，咬落算juicy，肉质鲜嫩，脂肪同筋既比例算适中，唔算太多筋，系边边位先有多啲脂肪。牛扒上既烧汁唔会话太咸，不过就唔大惊喜。
而家喺牛扒上面嘅鹅肝就特别啲，好少何见到呢一个嘅配搭，咬落入口即化，油脂感即刻涌出，香气停留喺口腔挥之不去，非常邪恶，配合牛扒食可以中和少少油脂，略嫌如果表层可以煎到再脆身啲会更好。
伴碟仲有蕃茄、紫薯蓉、羽衣甘蓝，食落清新香甜。
-
3️⃣ 朱古力三重奏心太软 💰46.8（👅: 9/10）
朱古力三重奏心太软
$78
6 浏览
1 赞好
0 留言
呢度嘅甜品如果有叫晚餐可以有六折，几抵所以即刻叫左两个甜品，甜品可以加$12就会有单球雪糕，口味会有朱古力、云呢拿、曲奇。
心太软一切出嚟，入面个内馅流晒出嚟，流心程度啱啱好，食落仲要系热辣辣，朱古力味好浓郁，但唔会觉得太甜太苦，心太软外层唔合太硬，系近期食过最好食既心太软。
而且心太软上面仲加咗一块朱古力，朱古力会慢慢比心太软嘅热力溶化，连同隔离嘅白朱古力酱，真系学佢个名话斋，朱古力三重奏，唔同既朱古力味系个口腔混合同冲击，层次丰富，齿颊留香。
佢隔离有个cream可以加落去，不过觉得个cream味道唔太出，第一次食𠮶时谂咗好耐系乜嘢，同出边嘅cream好唔同，同埋质地系几稀，感觉好似水咁样，要落好多个味先有，伴碟仲有士多啤梨、蓝苺、吉士，整体味道几夹。
-
4️⃣ 即制梳乎厘班戟 💰52.8（👅: 7.5/10）
即制梳乎厘班戟
$88
10 浏览
1 赞好
0 留言
呢度嘅梳乎厘班戟即叫即做，店员会问你系咪后上甜品，如果叫咗两个甜品佢会分开上。
梳乎厘班戟咬落去有空气感，入口fluffy，不过质地系篇湿润，如果你唔钟意食湿润嘅班戟可能会失望。食落蛋味算重，唔算甜，反而我觉得咸味比较出，会食到柠檬清香，我觉得系加咗柠檬汁。
佢隔离有个cream可以加落去，味道同质地于都系同朱古力心太软个一样，不过因为班戟味道唔算重，如果你比较重味，要落好多依个cream先得。
-
🍹 柠檬茶 💰+3（👅: 7/10）
柠檬茶
$3
6 浏览
1 赞好
0 留言
系正常既柠檬茶，唔算太甜茶味正常，另外一题如果热饮个杯同个碟会几靓，如果想打卡可以试吓叫热饮。
-
🌟整体黎讲，食物质数算唔错，心太软非常出色，价钱合理，晚餐野食份量够多，胜在环境设计用心，店员服务唔错，会问甜品系咪后上，食甜品会帮你换新碟，如果你食两款甜品会帮你再换碟，球迷一定唔可以错过。
-
👅味道: 8/10
🍴环境: 8/10
💰消费: $512 (服务费: 10%)
张贴
