更多
2022-07-14
32 浏览
【阿来客栈·鸡煲火锅专门店】就咁睇餐厅名估唔到系食咩,原来系鸡煲火锅专门店!佢地嘅鸡煲选择都几多,有重庆辣鸡,海底椰子鸡,胡椒猪肚鸡同花胶瑶柱鸡🐥我地今次就嗌左重庆辣鸡煲试试🤤✨驰名重庆辣鸡煲一拎到上枱已经闻到好香,食落果然好惹味。比较特名嘅系,佢地落左好多蒜片,所以食落唔系重花椒八角个种惹味,钟意食蒜嘅朋友你懂的🤤有5种辣度可以拣,我唔系几食得辣,所以拣左微辣嚟试试,啱啱好!✨特级手切肥牛食完鸡煲加汤打边炉😆依款手切肥牛系必食推介嚟,基本上每一枱都有嗌。至于质素,食到牛肉味,油花又靓,睇下相就知🤤✨鬼马墨鱼脆依款又系必食推介,基本上每枱都有嗌一碟。面头系墨鱼滑,个底系炸到脆卜卜嘅油炸鬼。油炸鬼干身唔会油淋淋,又唔会硬倔倔,食落好脆,加埋墨鱼滑口感好得意。✨即炸鱼皮鱼皮拎上枱个阵feel到有阵热气冒出嚟,加左炸蒜同少少调味,就咁食已经好正,送酒一流😆其他火锅料水准正常,不过可惜同朋友都食饱左,试唔到佢地嘅手打丸类、云吞同炸午餐肉🥲见到其他人叫,卖相望落几吸引🤤餐厅环境光洁,地板枱面干爽。枱与枱之间仲装左布帘,有需要可以拉落嚟同隔离枱隔开。我个人几钟意依个设计,防疫之余私稳度又高左,唔洗
就咁睇餐厅名估唔到系食咩,原来系鸡煲火锅专门店!
佢地嘅鸡煲选择都几多,有重庆辣鸡,海底椰子鸡,胡椒猪肚鸡同花胶瑶柱鸡🐥我地今次就嗌左重庆辣鸡煲试试🤤
✨驰名重庆辣鸡煲
一拎到上枱已经闻到好香,食落果然好惹味。比较特名嘅系,佢地落左好多蒜片,所以食落唔系重花椒八角个种惹味,钟意食蒜嘅朋友你懂的🤤
有5种辣度可以拣,我唔系几食得辣,所以拣左微辣嚟试试,啱啱好!
✨特级手切肥牛
食完鸡煲加汤打边炉😆依款手切肥牛系必食推介嚟,基本上每一枱都有嗌。至于质素,食到牛肉味,油花又靓,睇下相就知🤤
✨鬼马墨鱼脆
依款又系必食推介,基本上每枱都有嗌一碟。面头系墨鱼滑,个底系炸到脆卜卜嘅油炸鬼。油炸鬼干身唔会油淋淋,又唔会硬倔倔,食落好脆,加埋墨鱼滑口感好得意。
✨即炸鱼皮
鱼皮拎上枱个阵feel到有阵热气冒出嚟,加左炸蒜同少少调味,就咁食已经好正,送酒一流😆
其他火锅料水准正常,不过可惜同朋友都食饱左,试唔到佢地嘅手打丸类、云吞同炸午餐肉🥲见到其他人叫,卖相望落几吸引🤤
餐厅环境光洁,地板枱面干爽。枱与枱之间仲装左布帘,有需要可以拉落嚟同隔离枱隔开。我个人几钟意依个设计,防疫之余私稳度又高左,唔洗同隔离枱你眼望我眼😂
依间餐厅我几钟意,下次会再encore,试埋其他几款火锅料!
张贴