影片
更多
2017-05-26
336 浏览
一直都听闻阿元来了嘅大名，人气非常高，基于位置对我对黎讲，唔系太方便，就一直都冇试过。上月尾难得过海，本来想食小包，撞正人地落场时间；漫无目的之际，原本谂晚住改去夏雪食甜品，又突然记起阿元，一于试左阿元先！虽然系周六，但当时5点几钟，我地并唔需要等位就能入座，都算几好运。坐低正正就能望到关于用餐时间嘅温馨提示，繁忙时间互相体谅排队嘅客人，用餐时间为30分钟，唔知道此例有冇真正执行，虽然明白小店嘅难处，亦都知道小店生意好好，但个人认为半小时食一餐饭，有点苛刻。离开嘅时候6点零钟已经开始现人龙。（不过事隔一个月，九龙区都已经有分店可以分散一下人流）阿元来了位置唔多，小店一间，都预左唔会坐得太舒适。装潢明显花过心思，木枱木櫈、墙上贴带玩味嘅海报招纸、地道美食灯箱、必备嘅国语店员等，作为食客，都确实感觉到有几分台湾风味。餐牌选择不少，有饭面、小食、汤、菜、甜品、台式饮品等，喺香港食台湾菜黎讲已经算大众化价位，入座最低消费$35/位。虽然只有两个人，但一场黎到，加上唔知食完仲有冇心情、机会、思想准备会回访，所以乜都想试啲，奈何肚皮有限。落单之后，好快开始上菜，客人嘅用餐时间自然能够缩短。鲁肉饭
上月尾难得过海，本来想食小包，撞正人地落场时间；漫无目的之际，原本谂晚住改去夏雪食甜品，又突然记起阿元，一于试左阿元先！
虽然系周六，但当时5点几钟，我地并唔需要等位就能入座，都算几好运。坐低正正就能望到关于用餐时间嘅温馨提示，繁忙时间互相体谅排队嘅客人，用餐时间为30分钟，唔知道此例有冇真正执行，虽然明白小店嘅难处，亦都知道小店生意好好，但个人认为半小时食一餐饭，有点苛刻。
离开嘅时候6点零钟已经开始现人龙。（不过事隔一个月，九龙区都已经有分店可以分散一下人流）
阿元来了位置唔多，小店一间，都预左唔会坐得太舒适。
装潢明显花过心思，木枱木櫈、墙上贴带玩味嘅海报招纸、地道美食灯箱、必备嘅国语店员等，作为食客，都确实感觉到有几分台湾风味。
餐牌选择不少，有饭面、小食、汤、菜、甜品、台式饮品等，喺香港食台湾菜黎讲已经算大众化价位，入座最低消费$35/位。
虽然只有两个人，但一场黎到，加上唔知食完仲有冇心情、机会、思想准备会回访，所以乜都想试啲，奈何肚皮有限。
落单之后，好快开始上菜，客人嘅用餐时间自然能够缩短。
鲁肉饭 $29
鲁肉饭份量唔多，小小一碗，唔会太饱滞。如果净系点一碗饭食，或许足够喺30分钟内完事。
重点系卤肉，切开铺满碗仔，呈半肥瘦（肥肉占多）入口软腍，食卤肉都系要有适量肥肉先好食
卤汁入味带咸香，但唔会好油腻。个人认为酱汁稍少，饭食到尾会有少许干。
以呢个价钱，难怪迷倒咁多人，比较可惜系第一碗上嘅鲁肉饭，珍珠米未煮好未完全熟透…同店员提出后，佢地试过都马上换过另一碗俾我地。
第一次黎就遇到呢个情况，可能系我地唔好彩，但印象分会扣掉一点
鲁肉饭
$29
44 浏览
0 赞好
0 留言
淡水鱼丸汤 $20
饮鱼丸汤都令我谂起第一次去九份旅游，汤底饮落冇乜特别，同平时食鱼蛋河𠮶碗汤差不多。
鱼丸口感都几弹牙，粉感唔重，馅料少量，不过不失。
淡水鱼丸汤
$20
20 浏览
0 赞好
0 留言
淡水鱼丸汤
$20
28 浏览
0 赞好
0 留言
盐酥鸡 $35
因为两个share一碗饭，都仲有空间可以点两份小食，拣左盐酥鸡，鸡件一早整好唔够热，炸粉唔厚，但食落唔够脆。
肉质未至于干柴，但都唔系特别出色，调味有点不足，好多间盐酥鸡都比呢个出色。
盐酥鸡
$35
90 浏览
0 赞好
0 留言
台湾香肠 $25
男朋友系台湾肠控，去亲台湾都会狂食，可能见到「台湾肠」呢几只字，我地脑海中都系联想起烤肉肠…
肠仔切成薄薄一片，口感干硬，食落冇味，好似白灼肠仔，只可以话系同个人期望有落差
台湾香肠
$25
17 浏览
0 赞好
0 留言
九份芋圆 $30
有芋圆、珍珠、红豆、南北杏等，材料都几丰富，可惜味道一般
芋圆口感较硬实，烟韧但不Q弹，各自味道基于糖胶感太重，只有甜味。珍珠反而较为弹牙，但整体系太甜，只食到黑糖水味，食多两啖已腻。
九份芋圆
$30
97 浏览
0 赞好
0 留言
九份芋圆
$30
52 浏览
1 赞好
0 留言
台式饮品选择颇多，一律可以自选甜度、冰量。
大部分单点$20-$28，惠顾饭面或小食，只需10蚊可以享用最普通嘅红茶、绿茶，8选1。
茉莉绿茶 $10（优惠价）
阿萨姆红茶 $10（优惠价）
饮品我地点左半糖，非常普通，纯解喝用途。
茉莉绿茶、阿萨姆红茶
26 浏览
0 赞好
0 留言
今次到访阿元都有少许失望，可能以前读过太多好评，个人有点期望太高。幸好今次我地无需等候就能够入座，亦都唔系山长水远专登去试，不至于花太多时间，以鲁肉饭嘅质素还是可以一试，其他我地点嘅几款小食系一般水平。
可能已经算系喺香港比较好食嘅台湾野，环境又比较地道，所以迷倒咁多食客，我地就试一次够了。
张贴
