亞參雞飯 (又一城)

营业中

休息中

同朋友夫妇及老婆，四人行一齐去咗又一城食晚饭，去咗阿参度开饭，现场都有几多人排队，好彩等左大概20分钟就安排一张四人枱俾我哋。叫咗A&B两个套餐，马来药膳猪骨煲加海南鸡同埋香煎松板肉(烧猪颈肉)。猪骨煲卖相一般，大大煲装咗两大旧猪骨，肉量都算够食，炆得够腍但食落就无肉嘅味道，可能系用雪藏猪骨炮制而成。汤汁够浓郁，当归药材嘅味道非常清淡，只系见到得一两粒红枣飘来飘去，仲有几粒蜂巢豆腐，索左汤汁嘅豆腐一般，可能汤底唔多好味嘅关系，我哋中国嘅羊腩煲俾佢高几班，猪骨煲下次可以唔使再试。至于阿参嘅拿手好戏海南鸡就好食，鸡肉味淡但肉质滑嫩水准一流，系我嘅至爱，每次点餐都有佢份，连埋甜豉油或者姜蓉一齐食简直绝配，加埋鸡油饭就更加无敌，但系就唔可以多食啰！所谓香煎松板肉其实就系烧猪颈肉，卖相都可以，但食落好味，肉质够爽又唔嚡口，咬落去好有口感，点埋个汁更加惹味。马拉盏通菜就真系麻麻哋，啲通菜框好似禾秆草嘅感觉，又老又硬，味道微微偏辣，兼且缺乏酱料香味。套餐仲有三款小食，炸凤尾虾，鱼饼及烤串烧肉，凤尾虾无虾味兼干争争，鱼饼就只食到辣味，觉得面粉多过鱼肉，至于串烧肉就比较好食又弹牙，mince咗嘅肉再去烧