曉廚軒香港風味 (已結業)

路过铜锣湾又系您啦！依个价钱同质数成条波斯富街揾唔到！星期六就算独独 lunch 都要豪一豪，对自己好啲，人都开心啲。三𩠌完左无得食，惨！黎个汤骨面啦！原盅青红萝卜合掌瓜汤，合掌瓜可增强免疫力、智力又可降血压，饮多两啖先！香喷喷热腾腾，非常浓郁香甜既汤汁，用紫砂盅系唔同啲既。大良生煎骨，骨少啖啖肉，令我依个食肉兽劲满足！外层香口、内里多汁软棉，渗出淡淡乳香，正！虽然我唔知大良系大陆边度，哈哈！晓厨招牌炒面，怀著颤颤惊惊既心情 order，唔知会有咩配料呢。哗哗哗！要改名做富贵海鲜炒脆面先啱，珊瑚蚌、带子、斑球、干瑶柱、冬菇、本菇、西兰花，一丝不苟、材料满分！珊瑚蚌鲜爽，带子嫩滑，鲜甜味美，捞埋自家香辣 XO 辣椒渣，不得了！炒面半脆半腍、半多汁半干爽，口感丰富！西兰花烚得刚好，爽到卜卜脆！整碟全数收归我胃里去，无得留低。食饱饱又大满足，都系飞的士返屋企冬眠最爽！临走仲要撞到朋友仔们黎食野，唛咁啱呀。