影片
更多
2018-01-06
495 浏览
今日陪阿妈出左佐敦老人院探姑婆，听佢两个女人想当年，故事由五十年前讲起........ 以前佢地做工厂女工返工每日揾几蚊，然后可以食碗个二的叉烧饭有几奢侈。又话以前D人只会默默耕耘，大多靠自己努力赚钱，唔会怨天怨地。以前既香港系点点点，而家个政府又点点点。又话有少少后悔，以前挂住揾钱，都冇真正享受过。到而家得闲，行动又不便。经过个几两个钟后，什么家事、国事、天下事都讲过，直到姑婆要追 「那年花开月正圆」先肯放我地走。然后我同阿妈打算去附近揾食，行过佐敦伟晴街，见到都好多食店选择。佢提议食对面𠮶间餐厅 ：「XX 冰室？」「唔系呀！隔离𠮶间啊！」「绿色𠮶间? 你食过啦咩？」「未！」「食咩餐你知唔知呀？」「咪尼泊尔餐啰！」「英文你都晓？」「见到啹喀刀咪知系尼泊尔啰！人一世物一世，乜都试下啦！」行近望望，果然系尼泊尔同印度餐厅，劲㖞！由于我哋早去，所以餐厅都比较幽静冇乜人。餐厅入边好干净企理，座位都好好坐。仲播紧一啲相信系尼泊尔音乐，气氛好轻松。餐厅里面挂咗好多唔同款式的啹喀刀团徽。啹喀双刀系啹喀兵的团徽，即系港英政府时代守护香港的士兵，回归之后佢哋都退役了。佢哋喺香港住左几十年，大部份都喺度
以前佢地做工厂女工返工每日揾几蚊，然后可以食碗个二的叉烧饭有几奢侈。
又话以前D人只会默默耕耘，大多靠自己努力赚钱，唔会怨天怨地。以前既香港系点点点，而家个政府又点点点。
又话有少少后悔，以前挂住揾钱，都冇真正享受过。到而家得闲，行动又不便。
经过个几两个钟后，什么家事、国事、天下事都讲过，直到姑婆要追 「那年花开月正圆」先肯放我地走。
然后我同阿妈打算去附近揾食，行过佐敦伟晴街，见到都好多食店选择。
佢提议食对面𠮶间餐厅 ：
「XX 冰室？」
「唔系呀！隔离𠮶间啊！」
「绿色𠮶间? 你食过啦咩？」
「未！」
「食咩餐你知唔知呀？」
「咪尼泊尔餐啰！」
「英文你都晓？」
「见到啹喀刀咪知系尼泊尔啰！人一世物一世，乜都试下啦！」
行近望望，果然系尼泊尔同印度餐厅，劲㖞！
由于我哋早去，所以餐厅都比较幽静冇乜人。
餐厅入边好干净企理，座位都好好坐。
仲播紧一啲相信系尼泊尔音乐，气氛好轻松。
餐厅里面挂咗好多唔同款式的啹喀刀团徽。
啹喀双刀系啹喀兵的团徽，即系港英政府时代守护香港的士兵，回归之后佢哋都退役了。佢哋喺香港住左几十年，大部份都喺度落地生根。论年资相信佢比好多新香港人仲要耐。话唔定佢嘅祖先都经历过个二叉烧饭的年代， 相信呢间餐厅亦都系佢哋嘅后人开嘅。
我哋打开餐牌慢慢研究，佢全个餐牌都好有特色。菜式选择都几多有辣有唔辣，辣度都可以自己挑选。
我哋叫咗：
Samosa 咖哩角 $10 一件
Steam Momo pork 蒸猪肉饺子 $40
Mutton Curry 咖哩羊$60
Sweet Lassi 甜乳酸奶 $25
Milk Tea 奶茶 $15
等食其间佢送上一个小食薄脆，好香黑椒味又好脆口，仲可以点佢特制嘅辣酱。果然系一个开胃小食。
首先上场系 samosa, 一上台已经闻到好香，即刻流口水了。我哋每人一件，食落去外脆内软，里面有咖哩薯仔同青豆、洋葱仲有好多其他香料， 好足料好香口。
Samosa 咖哩角 $10 一件
12 浏览
1 赞好
0 留言
阿妈话其实佢系佐敦其他尼泊尔小食店都试过take away， 几蚊一只，但系size系一半左右，亦都冇咁热辣辣。以呢个质素＄10 一只真系抵到烂。
之后上场系蒸 MOMO pork, 呢个系尼泊尔传统嘅食物。外形有啲似上海小笼包，但系佢嘅size大只好多。
Steam Momo pork 蒸猪肉饺子 $40
9 浏览
0 赞好
0 留言
食落个皮好薄，馅料亦都好充实。除咗猪肉之外，佢仲加左姜同埋洋葱。咬落真系有啲汤汁会流出黎，再加上佢特制嘅辣酱，好好味呀！$40 有十只大大只好味蒸饺子，食完已经好满足！
再嚟就系咖哩羊，佢系一set 上的，有好多唔同配料可以点。一上枱，阿妈就话啲饭好靓，系靓米㖞！D饭食落比较干身，配咖哩一流。
Mutton Curry 咖哩羊$60
6 浏览
0 赞好
0 留言
再讲返个咖哩羊，佢虽然细细碗，但系绝对足料，羊肉系多过D汁架。而且佢辣得嚟好纯（又是佢D 形容词，即系易入口，唔涸喉, 食完唔使即饮水）。
Mutton Curry 咖哩羊$60
10 浏览
0 赞好
0 留言
另外仲有啲薯仔豆角碗碟，辣得来好过瘾，可以捞好多饭。
仲有一碗似乎系豆汤 / 豆汁，加左啲香料煮，唔辣的。对比起来，佢就冇咖喱羊同埋薯仔豆角咁吸引。
饮品我叫左 sweet lassi, 好大杯，淡淡地都几好饮，最啱用嚟解辣。
Sweet Lassi 甜乳酸奶 $25
3 浏览
0 赞好
0 留言
佢就试左奶茶，应该系正宗嘅印度奶茶，里面加左姜同埋其他香料。佢话好香滑，仲热辣辣。咁大个女第一次饮呢啲奶茶，好似好雀跃咁款。
Milk Tea 奶茶 $15
7 浏览
0 赞好
0 留言
我哋食紧野嘅期间，好多人陆陆续续入餐厅。除咗尼泊尔人之外，仲有唔少港人，甚至韩国人都有，似乎熟客都唔少。
我哋见到隔离𠮶枱韩国人叫左几个小炒肉，再叫左啲啤酒，边饮边食好似好happy。
然后左边有枱港人，叫咗一碟似煎锅贴，仲有一碟炒面，亦都食得好开心，我哋坐隔离枱都闻到好香。
后边就有一枱成十个人一家大细嘅尼泊尔人，𠮶个着都好传统又好靓，然后成枱都系𩠌，似乎喺度做节，场面好和谐。
阿妈话下次要叫多啲亲朋戚友一齐来，可以试多几样野开心share。
最后，佢仲帮衬埋佢嘅洗手间，赞又阔落又干净㖞！
张贴
