森美餐廳 (已搬遷) 新店位置

近日因事经常要出街食饭，但食来食去已经唔知仲有咩野新意，最后上 OpenRice 揾料，机缘巧合下来到森美餐厅。因为见资料写住座位唔多，所以搭车途中打电话 book 位，接电话的女士好有礼貌，仲特别提醒我地去华都中心二楼，唔系网页写住的地下舖位。（好彩，否则可能摸门钉）我叫了鲜茄焗龙利柳饭，上台时好香，因为面头铺了好多芝士。食落一Ｄ都唔「漏」，而且蕃茄新鲜，唔系平时焗到得番少少肉连住Ｄ皮那种。我加 15蚊改餐，再加 15蚊转龙虾海鲜汤。无谂过个汤会有忌廉拉花，好靓。可惜太肚饿，唔记得影相就饮完。阿妈就叫左蟹籽鲜虾炒饭。每羹饭都有好多蟹籽，望落成碟都系橙橙地色，不过味道稍嫌咸了一些，但不是要狂饮水那种。佢都加 15蚊转套餐，选了杂菜汤，味道尚可。另一半要了套餐，羊架配意粉，有汤有甜品。阿妈赞羊架很嫩滑，我食了少少，都觉得好好味，水准拍得住酒店餐厅。甜品选了芝士软饼，芝士味浓郁，就算单叫都只系 18蚊，好抵食。我同阿妈就额外叫了朱古力心太软，亦都唔错。临走时老板娘亲自拉开座椅，而且笑容亲切，为餐厅再加分。