漁釧 (將軍澳中心) (已結業)

提早庆祝母亲节，阿妈话要食日本嘢，为咗就脚决定食渔钏。点咗刺身七点、海老天妇罗、炸鸡软骨、八爪鱼沙律、鲔鱼腩蓉寿司、海胆炒饭。刺身坚新鱼，个海胆鲜甜到一个点，入口后有余甘，只虾新鲜爽甜，带子本身醮上柚子汁!?（我估系）减少腻口感觉，好清新。单系个刺身妈妈已经食得好开心！海老天妇罗啱啱炸起上枱，够脆之余粉䊢亦唔太厚。鲔鱼腩蓉寿司不嬲系我至爱，佢嘅鲔鱼腩蓉系多到漏泻咁滞，加上大量京䓤，不得了！海胆炒饭就老实讲，我净系见到同食到饭面最顶𠮶块海胆，系有啲失望。好彩个炒饭底都系好食嘅，好浓胡椒味但唔呛喉唔辣，不过叫得海胆炒饭我希望可以入面有海胆啰...