樂麵

营业中

休息中

我朋友阿强系一个芫茜爱好者，佢唔管食咩有得加芫茜嘅，一定会多要啲芫茜。呢个月阿强生日，我就谂住揾啲有特色，又同芫茜有关嘅菜色，请佢食。偶然间俾我揾到将军澳坑口重华路呢间日式拉面馆【乐面】，有卖以芫茜为主角嘅特色日式拉面，所以就打算请阿强嚟呢度食饭。去将军澳嘅路上已经可以感受到阿强嘅兴奋，佢一直喺度倾日式拉面、同日本文化，仲有芫茜点煮会好好食。呢度嘅环境真系好唔错，不过唔好意思，我唔钟意食芫茜，所以点咗【琥珀之味 酱油清汤】。我自己系外观党，睇相片嘅卖相嚟睇【琥珀之味 酱油清汤】拉面好唔错，然后上菜之后，确实同相片入面嘅一模一样。入面附带嘅猪肉鸭肉真系好好食，然后拉面好软好弹。然后阿强嘅芫茜拉面【茜口茜面】，真系，真系，满满嘅，超级多嘅芫茜，阿强睇到好兴奋，然后佢食得好快，冇几下我睇佢就食晒，汤都唔留一滴。我仲点咗小菜【唐扬日本秋葵酿虾胶炸串】同阿强一齐分享，味道都几唔错下。之后阿强钟意上咗呢度，我哋离开前佢仲外带咗多一个【茜口茜面】，祝佢生日快乐！