La Parrilla Steakhouse

中环呢间出名食扒既餐厅，喺北角开左分店，价钱比中环果间亲民啲(平日仲有抵食既lunch set同薯条无限refill)，质素keep一样咁好🥖餐前面包(免费)🥟牛肉馅饺 $68一大只，当日无牛肉馅🐮，得鸡肉馅都照杀🐔，外皮似印度饺咁炸得香脆唔油腻，馅料有洋葱、鸡肉，点埋个酸酸地既酱唔错啊，几开胃🍟香蒜炸薯条 $58食牛扒当然叫番个薯条，好鬼大桶，洒咗少少盐炸得香脆得黎，中间依然保留薯蓉既感觉🥔外脆内软，2个人差啲食唔哂🥩熟成封门柳250g $248是晚既主角🤴🏻阿根廷一个月熟成草饲封门柳，铁板上叫咗3成熟，切开好粉嫩💕唔会Un啱啱好，食落好有炭香味（啱啱好，唔会似㶶/苦），咬落有肉汁💦，厨师仲可以帮手切埋👍🏻，系近期食过最好嘅扒🐥慢煮烤鸡 $198有大约半只鸡，有好多香料，面头再挤埋柠檬汁，更加惹味👻，肉质唔会太干太柴，整体唔错👌🏻🍝白酱鸡肉伴意式阔面 $168整体ok，鸡胸稍为干左啲，意粉软硬度适中overall：餐厅平日夜晚都几多人食，装修同氛围好有异国feel，坐得又舒服，最重要系牛扒🥩嘅质素真系好唔错👍🏻，喺open kitchen见住厨师喺火炉烧牛扒好有风味