大快活 (建康大廈)

营业中

休息中

去完铜锣湾办年货，成街人山人海，行到脚仔软软，都系速速揾间大快活坐低医肚先。每次嚟大快活，我都例必叫咖喱，因为呢度啲咖喱的确整得唔错，香辣惹味，好好送饭。今晚拣咗阿活咖喱牛腩饭(HK$50)，卖相ok，保持一贯水准，牛腩炆得够腍够入味，加埋吸晒咖喱汁嘅薯仔，白饭迅即被秒杀。同行友人拣咗胡椒杂菌鱼煲(HK$52)，热辣辣上枱，卖相不俗，两件鱼块外皮煎得带点香脆，惜胡椒味不足，杂菌亦唔多见，味道稍为逊色，有待改善。