阿爺燒鵝餐室 (已結業)

我同男友都系戏精，香港电影节开锣，响电影资料馆睇完戏就慢慢行去揾阿爷：阿爷烧鹅！睇完戏好鬼肚饿，叫左个二人餐，劲多野食，根本系三至四人餐先岩啦，哈哈～先黎雪耳南瓜猪骨汤，好似返左屋企饮阿妈煲既老火汤咁喔～黎揾阿爷都系因为佢既烧鹅，真系超好味架！唔肥腻仲好有肉地，连皮都食埋；我就钟意配濑粉！二人餐除左烧味双并之外，仲有两个𩠌：邪恶金蛋&油菜。其实邪恶金蛋系用咸蛋炒滑蛋，咸蛋既份量拿捏得非常好，唔会太浓烈或太浓味；轻轻带出咸蛋既味道，very nice散点碟头饭大约$50左右，虽然无油菜无金蛋，不过都几抵食！同埋强烈推介要点烧鹅脾，真系好好味！