阿爺粥品手工涮涮鍋 (已結業)

去咗阿爷粥品手工涮涮锅，入面有少少新派茶楼嘅感觉。午市时段主要系食粥品小炒等等，同埋冇茶芥加一，晚市就系食粥底火锅，呢次我哋就叫咗两份午餐试试。红烧野菌入面有冬菇、秀珍菇、本菇、鸡髀菇，味道唔错。油炸鬼拎到嚟𠮶阵已经分成四件，都几脆。蚝仔肉碎粥嘅质感好浓，同埋都几软绵。粥入面嘅蚝仔最少有十几粒，同埋有姜丝等等，食起上嚟都几鲜味。白玉鱼云粥入面嘅白玉系指冬瓜，煮得仲有少少爽口感。鱼云就系鱼头嘅脑髓部份，鱼头肉嫩、鱼脑髓滑滑哋。两款粥品比较之下，我就钟意蚝仔肉碎粥多啲啲。