南대門

营业中

休息中

天气冷冰冰又系食韩烧嘅时候。今次嚟到尖沙咀金巴利道韩国街呢间南大门cuisine。而家做紧个优惠烧肉套餐，$318有一份烧牛肉加一份主食同2杯饮品。我地叫咗set再加份炸鸡。order完食物，侍应就递上多款韩式前菜。烧肉套餐牛肉方面，我哋选了牛小排，已去骨，啖啖肉，色泽鲜红，几有牛味。有3款酱汁蘸，用生菜包住吃，好爽口。主食我哋选了韩式拌饭，八款配料有大豆芽菜，翠玉瓜丝，红萝卜丝，菠菜，白萝卜丝，牛肉，煎蛋同埋紫菜，再按自己喜好加入韩式辣酱，将所有材料拌匀，每啖饭都充满口感，热辣辣又惹味。蜜糖牛油蒜蓉炸鸡（六件） $130 我哋叫咗半份炸鸡，炸鸡有齐鸡髀鸡翼鸡胸，每件都炸得非常香脆，入面嘅鸡肉好嫩滑，个蜜糖牛油蒜蓉汁真系好惹味，甜甜的，炸鸡仲配埋炸薯条，非常邪恶，但真系好好味。个烧肉套餐包咗两杯饮品，我哋两个都拣咗韩国梨汁，个梨汁入边有啲果蓉，非常清甜，食韩烧配梨汁就最啱啦，好清润。