熾工房 (已結業)

星期六留咗喺屋企休息🏡，所以就简单喺附近揾嘢食。呢日想食热气嘢，我哋就决定帮衬一下位于高街嘅「炽工房Wow Lab」。我哋成日行经都觉得呢度环境几Chill，有室外座位，而室内就油咗靓靓墙画🎨，斋睇装修未必估到呢度食乜。餐厅卖嘅食物熟口熟面㖞，似菲律宾蜜蜂同炸鸡爷爷快餐店嘅混合版🥡，佢另外仲有其他食物，例如汉堡包同意粉等。价钱比起连锁店贵，不过学生食就有折。风味烤鸡套餐($68)，🐔烤鸡同炸鸡各有特色，烤鸡相对无咁热气，更显鸡肉嫩滑。烧鸡配上芥末汁食，能够刺激味蕾，滋味无穷。本身一客鸡有两件，但唔知系咪比较细只，所以有三件。蘑菇饭(+$5)，呢度嘅出品比起某连锁店嘅蘑菇饭更出色。酱汁系忌廉蘑菇汁🍄，有啲似忌廉汤，味道唔辣，老少咸宜。再混入新鲜菇菌，菇香特别浓郁；但略嫌白饭口感偏湿🍚。滋味脆鸡套餐($66)，🍗炸鸡即叫即整，新鲜滚热辣送上。外皮酥脆，一啲都唔油腻，而且肉汁满满，肉质富弹性，唔系M炸鸡𠮶种霉肉。炸鸡配埋自家制肉汁食，几正。牛油粟米，🌽粒粒栗米杯OK，牛油落得够多。蕃茄扁意粉配牛扒菇($58)，呢个系素食菜式，但味道毫不单调。🍝 扁意粉口感弹牙兼挂汁，蕃茄味几浓🍅，酸味自然。