香港608冰室 (青山道) (已結業)

前日谂住玩桌游之前去食啲嘢填下个肚，咁D2 Place𠮶边啲嘢都食过晒，而且我𠮶间桌游店就喺608冰室附近，见佢出边装修格局都好似老字号咁，谂住经营咗咁耐应该都唔差啦！咁我同朋友就叫咗个唔同嘅午餐，我叫咗个鱼香茄子饭，佢叫咗个红酒茄牛脷意粉，佢饮热柠水，我就叫咗杯冻柠茶，啲嘢都算嚟得快，10零分钟就到晒。其实预咗佢呢啲地方唔会食到啲咩好嘢，但就谂住性价比会高啲，可惜真系质素都几差，杯冻柠茶有啲黑色嘅灰系上边，所以我换咗一杯，而个茄子汁非常之咸，我问我朋友食𠮶个意粉点样，佢都话好难食。