富嘉閣 (已結業)

平时去开附近另一间茶楼饮茶, 贪佢大件夹抵食, 但今日想坐得舒服少少就拣左呢间。两个人叫左唔系好多野。呢个冬菇切肉烧卖皇真系比出面一般茶楼既烧卖好食, 食得出搅肉同切肉既分别, 仲好香冬菇味。XO酱炒肠粉, 小小辣好惹味, 仲有好多芽菜岩哂我口味。韭菜饺个皮几烟韧, 馅料份量足, 煎得好香。 蛋挞仔就麻麻地喇, 个皮太厚身仲食到油益味。另外仲叫左呢个鲜奶梅菜馒头, 贪佢够特别, 味道都ok啦。整体来讲价钱唔算平但环境不错, 食物方面点心类比包点类较为出色, 下次会想试其他点心同小食。