麵屋武蔵 武骨相傳 (朗豪坊)

营业中

休息中

前几日同朋友去到朗豪坊蒲，行到有啲饿就去咗麺屋武蔵食拉面。一行到去就见到佢变身成AAPE x Menya 嘅 Pop-up Store，AAPE 10周年仲出咗一款crossover嘅猿侍ラーメン拉面套餐。猿侍ラーメン拉面套餐($138)每日限定10碗，我地见到仲有得叫即刻唔执输叫一set嚟试下。呢个套餐仲包咗武藏饺子/武藏炸鸡，仲有酱油果冻柑橘啫喱特饮-曙光（个名好威！）呢个面用咗豚‧鸡‧鱼介汤底，味道好丰富。佢地仲加咗自家炼制虾油，加埋樱花虾有好香嘅虾味。我连啲汤都饮埋呀，个面就好弹牙爽口！配搭嘅慢煮伊比利亚猪肉好嫩滑；仲有原只红酒渍溏心蛋，粉红色好吸引！小食我地要咗炸鸡，外脆内软滑又多汁，份量都唔少㗎！而曙光饮落好清新，有淡淡嘅柑橘味，仲有啖啖嘅啫喱添。我地另外仲叫咗二刀流拉面($85)，我哋拣𠮶个黑蒜汤底味道好浓郁，拉面一样咁烟靭，叉烧半肥瘦好适中。五轮烧饼($58)用咗广岛蚝嚟整，份量都好大同埋整得好厚，口感好爽，蚝鲜味加上沙律酱好正。饮埋日本制嘅巨峰梳打($28)，好似真系去咗日本咁。