K-POT 部隊鍋 (已結業)

印象中，韩国部队锅系辣嘅，所以唔食得辣嘅我，去韩国时都无去试呢样韩国咁出名嘅菜式。有日喺元朗揾嘢食期间，行经呢间部队锅有人派传单，见到有好多唔辣嘅汤底拣，仲新出咗个期间限定嘅芝士锅添，于是就入去试下喇！环境俾人好整洁嘅感觉！未落order,先黎几碟前菜。我地order咗个芝士汤底，同埋$248嘅美国极上牛肉放题。其实我都唔知个牛肉有无限次数refill, 店员帮我地refill咗一次，之后我哋见食埋其他嘢都已经好饱，所以无特别问店员。个牛肉都几嫩架！钟意食牛肉嘅叫呢个贵少少都ok嘅！如果唔系特别钟意食牛肉，佢仲有另外一啲平啲嘅牛肉放题选择架！除咗牛肉，佢另外会有一碟牛柳粒，鸡同埋鱼。而其他火锅配料，就可以自己出去任拎啦！出面嘅火锅配料有蔬菜，年糕，菇菌类，午餐肉等等，有年糕有紫薯同原味2种，个人觉得紫薯麻麻地。有串几特别嘅原来系豆卜！至于个芝士汤底，一啲漏嘅感觉都无，其实唔算好浓味，都ok嘅，因为如果漏嘅话，就食唔到好多𩠌啦！最后食埋甜品，有女士最钟意嘅乳酪雪糕，最开心就系可以自己随意落唔同嘅配料，同埋佢嘅乳酪雪糕又唔会好酸㖞！