影片
更多
2022-10-03
635 浏览
之前staycation 有买过住宿连消费额套票，当中拎左黎系君绰轩食午餐，果时觉得野食好精致用心，而且味道唔错。于是，见酒店话庆祝得奖而推出点心放题，就即刻约哂朋友一行5人黎食！🥺但真系大家都食到好失望。本身明白每人3百几蚊酒店中菜点心，唔会同平时点心餐牌一样，例如鲍鱼烧卖变左烧卖，无虾多士连萝卜糕都无。本身系抱住君绰轩的食品一定质素，即使无左名贵食材，都一样可以好味道，可以系食手工。餐牌除左有虾的点心外，基本上炒粉面，都完全系素，坦白讲大部份点心都十分平庸，我地无一道点心系食完好想再食，最多不过不失。马拉糕，鲮鱼球（竟然清蒸配些菜），蛋散，笑口枣真系普通酒楼仲好食一截。连每位必送的明火丰料养生靓汤，都只系粟米红萝白汤（估系用猪骨煲），味道就唔错但无咩惊喜。烧腩仔好唔稳定，明明第一次叫好脆口，第二次就硬到石头咁。点心放题本身298再加1=327.8,但原来茶芥要另收又再收加一，但promotion email 无清楚列明，连条款及细则都无讲，只系放题餐牌底部有行细字写左。茶系每人20蚊，小食系每人6蚊结果，再加一等每人畀多58.4，最后每人实数系386.2。依个价位其实真系无理由系依
但真系大家都食到好失望。本身明白每人3百几蚊酒店中菜点心，唔会同平时点心餐牌一样，例如鲍鱼烧卖变左烧卖，无虾多士连萝卜糕都无。本身系抱住君绰轩的食品一定质素，即使无左名贵食材，都一样可以好味道，可以系食手工。
餐牌除左有虾的点心外，基本上炒粉面，都完全系素，坦白讲大部份点心都十分平庸，我地无一道点心系食完好想再食，最多不过不失。马拉糕，鲮鱼球（竟然清蒸配些菜），蛋散，笑口枣真系普通酒楼仲好食一截。连每位必送的明火丰料养生靓汤，都只系粟米红萝白汤（估系用猪骨煲），味道就唔错但无咩惊喜。烧腩仔好唔稳定，明明第一次叫好脆口，第二次就硬到石头咁。
点心放题本身298再加1=327.8,但原来茶芥要另收又再收加一，但promotion email 无清楚列明，连条款及细则都无讲，只系放题餐牌底部有行细字写左。茶系每人20蚊，小食系每人6蚊结果，再加一等每人畀多58.4，最后每人实数系386.2。依个价位其实真系无理由系依个质素🥲，好失望。早知食平时个午市商务午餐仲便宜点，应该会制作食物会畀番好多心机。
当中真系好味的有杞子桂花糕，蛋白粟子露，陈醋海蜇青瓜，虾饺皇同上汤解虾水饺，其他真系十分普通。
至于，座位安排方面，唔系坐系平时好靓好古典味果边，而且类似隔离有位摆酒的地方，都仲系有海景可能睇到的。平时果度其实位置有限但酒店人手绝对足够，但今次人手绝对不足，现场目测2x围，但员工人手好似10个之内，忙于上点心，肠粉连豉油都唔记得畀，茶都唔太得闲加，好唔容易先叫到侍应。唔系员工服务问题，真系人手严重不足又混乱。
总结，今次依个价钱真系当系买空间，座位好阔落，但无食到d 咩系觉得超好食。明白一分钱一分货，但今次餐厅出品完全唔系正常水准，既然用得君绰轩个名，应该要做番相应质素，希望会改善啦，虽然应该都唔会再考虑。
15 浏览
0 赞好
0 留言
张贴
