金鶴拉麵 (利民大廈)

营业中

休息中

之前都食过一次其他分店，今次第一次去旺角分店，俾而家做紧嘅龙虾汤限定拉面吸引咗！🦞【伊势海老ラーメン 极浓龙虾汤拉面】$138配一只龙虾尾 $198拣咗加龙虾尾，龙虾尾一开二，肉质弹牙，浸埋龙虾汤底一齐食，餐厅仲附有铰剪，方便剪开嚟食，不过就有啲黐壳。龙虾汤头饮第一啖，已经感受到浓浓嘅鲜味，唔会觉得过咸。溏心蛋煮得刚刚好，再加上一块慢煮叉烧，利用低温、长时间嘅烹煮方式慢慢焖煮，变得更加软嫩多汁。【极浓鸡白汤拉面】$138呢款招牌拉面之前都有试过，鸡白汤打成泡，加上炸牛蒡、三块慢煮鸡胸肉、慢煮叉烧，系香港数一数二好食嘅鸡白汤汤底拉面！注意：除咗堂食之余都有外卖自取，另有加一收费