影片
更多
2024-12-30
1472 浏览
沙田呢间分店开咗一个月就同朋友一齐嚟试食，环境宽敞，座位亦都阔落，摆放食物嘅区亦都好企理。服务员个个都面带笑容，同埋非常殷勤嘅服务！冇谂过任食火锅中途都主动为我哋换碟，同埋两个钟食完之后，可以继续坐落去倾偈，仲帮我哋食完清洁张枱，我哋继续坐喺度舒服倾计，亦都冇催促埋单！食物方面呢，牛肉、海鲜真系冇得顶！牛肉选择多，又大大片又好有牛味，啲虾又大只又实净完全冇欺场！啲熟食海鲜扇贝，虽然细粒，但系全部都系新鲜，有鲜味嘅！台式嘅甜品选择唔多，但系可以自己配搭，亦都系好好食。要推介嘅中式甜品就系莲子红豆糖水，大大粒嘅红豆同埋完整嘅大粒莲子，绝对令你食完想再食！可惜我哋疯狂食牛肉同埋海鲜太饱，所以甜品都系每样食咗一次，连啲雪糕都未去试食！不过雪糕都系一啲平时食开嘅，可以下次去先再试吓！我哋食嘅系Level 4嘅火锅餐，时间120分钟，每人$392已经系食到饱住个肚走，确实系性价比高！今次挂住食都唔记得咗影低啲相，影得咁少咋，下次去食再影多啲再分享吓，睇吓有冇维持佢嘅水准啦！
服务员个个都面带笑容，同埋非常殷勤嘅服务！冇谂过任食火锅中途都主动为我哋换碟，同埋两个钟食完之后，可以继续坐落去倾偈，仲帮我哋食完清洁张枱，我哋继续坐喺度舒服倾计，亦都冇催促埋单！
食物方面呢，牛肉、海鲜真系冇得顶！牛肉选择多，又大大片又好有牛味，啲虾又大只又实净完全冇欺场！啲熟食海鲜扇贝，虽然细粒，但系全部都系新鲜，有鲜味嘅！台式嘅甜品选择唔多，但系可以自己配搭，亦都系好好食。要推介嘅中式甜品就系莲子红豆糖水，大大粒嘅红豆同埋完整嘅大粒莲子，绝对令你食完想再食！
可惜我哋疯狂食牛肉同埋海鲜太饱，所以甜品都系每样食咗一次，连啲雪糕都未去试食！不过雪糕都系一啲平时食开嘅，可以下次去先再试吓！
我哋食嘅系Level 4嘅火锅餐，时间120分钟，每人$392已经系食到饱住个肚走，确实系性价比高！
今次挂住食都唔记得咗影低啲相，影得咁少咋，下次去食再影多啲再分享吓，睇吓有冇维持佢嘅水准啦！
张贴
