神燈海鮮酒家 (V Point)

营业中

休息中

之前同阿女已经食过佐敦嘅分店，今日同佢去铜锣湾配眼镜，竟然比我见到神灯嘅另一间分店！趁住中午时间，同佢饮番个茶试一试佢啲点心！点心方面叫咗:濑尿虾虾饺、鱼翅灌汤饺带子凤眼饺、百花蒸酿鱼肚通常虾饺都系配甘笋，但系神灯永远都会俾到惊喜顾客，居然用上濑尿虾做馅料，系成只咬落嘅虾味更加出众，另一款鱼翅灌汤饺真系好高性价比，饮得出系煲出嚟嘅鸡汤，唔重味精之余仲有真正嘅一大旺角梳鱼翅！带子凤眼饺好鲜甜，百花蒸酿鱼肚卖相好靓，鱼肚清洗得好干净！小食方面，拣咗椒盐鸡软骨、金沙四季豆、萝卜丝酥。鸡软骨咬落好有口感，椒盐唔会太咸，整体感觉炸得非常酥脆，至于四季豆用上蛋黄碎去炒，咸咸香香好惹味，最重要系平时屋企唔会咁样整。仲有个萝卜丝酥，里面嘅萝卜馅料非常之清甜，外层嘅丝酥做得一层一层。烧味方面当然要拣佢嘅招牌，伊比利亚叉烧，肥瘦好分明，肉质好Juice，酱汁调配得带少少甜味，而且斩得好靓！最特别系佢会加上腌制咗嘅萝卜俾你解一解肥腻。仲有半个月，一定要把握佢嘅午市点心，因为而家做紧一律八折！最好要book定位，因为真系好爆场。