客家村 (已結業)

只有星期一至五下午6时至11时先营业既小店，主打客家擂茶汤圆，终于择到日子黎试！叫左一份擂茶汤圆，招牌虾籽炒面，猪软骨同客家围头仔粉，一共$97，咁多野食，都唔算贵！老板话炒面同猪软骨都系即整，要等25分钟。终于开餐，老板教猪软骨要后食，因为味道较浓，所以我地决定先食虾籽面，即炒，超野味，面底系扁身啲既幼面，炒得均浑入味，有啲似鼓油皇炒面既味道但多左虾籽既香味，实实在在系一碟虾籽炒面👍🏼再试客家围头粉仔，精华系上面𠮶堆自家秘制菜保，可选辣，我呢碗系原味，菜保、虾米等材料炒埋一齐，超香👍🏼到猪软骨，炆得好林好入味，系个汁就咸左少少。第一次饮擂茶，茶叶加左芝麻花生磨成既香味，我觉得有少少绿茶香味，个质地啱啱好，唔会太'杰'，好少好少甜，唔溜，都几好味，配上芝麻汤丸，但汤丸皮较林，好似溶左落个汤度咁。可改善下个汤丸。整体黎讲，系一间好有心机既小店，希望会keep住有得食啦！