影片
更多
2017-02-23
411 浏览
今日同妈咪行街，到中午果阵黎左呢间上环嘅日本餐厅-梦见屋食饭。门口见到啲食物模型几吸引，入面又有蘑菇头fatina嘅插画墙，觉得应该都唔错，但事实系相反，真系令我好失望。之前系电视上见过饮食节目介绍茶渍饭(唔系介绍呢间)，顾名思义就系将茶倒落啲饭到拌黎食，节目上讲到会有茶香味，觉得几特别，所以就拣左个蒲烧鲷鱼茶渍饭。另外拣左个绝对稳阵嘅滑蛋吉列猪扒饭，即使难食都有个谱嘅。食物好快就黎到，一试个茶渍饭真系好唔掂！啲茶完全冇茶味，即使有都一定好淡，因为倒左落饭到一啲都食唔出，个味道绝对系同白饭沟水冇分别，而鲷鱼嘅味就普普通通，冇唛特别。呢个饭仲跟左两条酸青瓜"仔"，同一件沾左芝麻酱嘅豆腐"仔"，豆腐几滑几好食，其实呢个饭嘅重点系咪件豆腐？LOL至于个猪扒饭，滑蛋夹左系饭同吉列猪扒之间，少到大概只有半只蛋嘅量，可能讲半只系夸张左啲，但真系唔觉有一只蛋系到，真系好少！不过同个茶渍饭比起上黎，都算不过不失啦。我同妈咪食完之后，就即刻有职员黎收野，呢样冇问题，而我地都打算埋单走啦。当下见到门口摆menu个位有2个客人等紧，而当时近门口有一张吉枱，近窗口亦有2个空位，餐厅再入去或者仲有位，但就有个入
之前系电视上见过饮食节目介绍茶渍饭(唔系介绍呢间)，顾名思义就系将茶倒落啲饭到拌黎食，节目上讲到会有茶香味，觉得几特别，所以就拣左个蒲烧鲷鱼茶渍饭。另外拣左个绝对稳阵嘅滑蛋吉列猪扒饭，即使难食都有个谱嘅。
食物好快就黎到，一试个茶渍饭真系好唔掂！啲茶完全冇茶味，即使有都一定好淡，因为倒左落饭到一啲都食唔出，个味道绝对系同白饭沟水冇分别，而鲷鱼嘅味就普普通通，冇唛特别。呢个饭仲跟左两条酸青瓜"仔"，同一件沾左芝麻酱嘅豆腐"仔"，豆腐几滑几好食，其实呢个饭嘅重点系咪件豆腐？LOL
至于个猪扒饭，滑蛋夹左系饭同吉列猪扒之间，少到大概只有半只蛋嘅量，可能讲半只系夸张左啲，但真系唔觉有一只蛋系到，真系好少！不过同个茶渍饭比起上黎，都算不过不失啦。
我同妈咪食完之后，就即刻有职员黎收野，呢样冇问题，而我地都打算埋单走啦。当下见到门口摆menu个位有2个客人等紧，而当时近门口有一张吉枱，近窗口亦有2个空位，餐厅再入去或者仲有位，但就有个入面著灰色恤衫，出面著黑色背心冷衫嘅女职员即刻行过黎话"介唔介意腾番两张枱比我地"，其实我地系系冇咩人嘅时候入黎，而职员叫我地坐梳化位，所以我同妈咪左右坐隔离，2个人坐左4人枱，如果系繁忙时间我地都一定会打对面坐，而且当时右面枱嘅人都系咁，个场又有好几张空枱，加上职员冇唔比，所以就咁坐定左。到果下职员叫我地腾番张枱比佢地，我觉得真系令人好反感，第一个反应系赶我地走，如果你话"请问介唔介意有客人搭枱？"，咁我就冇问题，呢个系唔赶客又可以帮其他客揾到位嘅讲法。如果唔系，就请呢间餐厅嘅带位员带好啲位，指明客人坐边一个位。
即时埋单走左之后，睇下表，系12:55。再睇番张单，入单时间系12:29。出餐我预佢1个字时间，即系我地用左4个字食饭就比人赶走，真系极之离谱，究竟凭咩收我10%服务费？绝对绝对唔会再帮衬，但我希望职员会改善下呢个问题。
张贴
