Simplylife Bakery Cafe (已結業)

食过好多间分店，包括已经执笠嘅奥海城分店，觉得食物唔错，环境都OK。葵芳呢间开咗唔算耐，餐厅环境开阔，食物味道可以接受。本来仲几开心附近终于开咗一间分店，但系今次经历真系令人失望。一入门职员告知限时75分钟，听到有啲窒一窒，原来宜家食西餐仲少时间过食快餐，不够都系食餐饭，又唔系嚟hea，就继续入座。一落座几分钟已经落单，上菜算快，我哋都密密食，无停手。食到后面，离落单时间不到一小时嘅时候就有职员攞住张单嚟叫埋单，由于当时用手食紧汉堡，又未到时间，便谂住食埋先找数。过咗几分钟，职员又过嚟表示用餐时间已过，叫我哋埋单。但当时我哋碟上仍然有少量食物，而且嚟落单时间并没有超过75分钟，职员已经想赶食客走，而且语气并不友好！ 本来都无打算赖死唔走，但系俾客人食完野先离开，差几分钟都唔得？本来职员好好讲，我哋都会尽快食完，甚至可以自行结帐离座！但系职员态度好似我哋争佢钱咁，真系令人食到最后一肚子气！况且明明成个餐厅都无列明话要75分钟离座！如果大家想揾食得舒适开心嘅西餐，就千奇唔好考虑呢间！最可惜系奥海城已经无得食！唯有对Simplylife讲bye bye！