津津食店 (已結業)

听说呢间茶餐厅嘅蟹超式蒙檬连发哥大屿山行山都会入嚟食番碗， 既然人民特首都话好食， 应该唔差挂， 趁今日得闲黎食番碗睇吓正唔正。装潢街坊平民， 十二点嚟到仲有好多座位， 十二点半食完走人已经满座要等位。除咗越式蟹檬，仲有越式顺化鸡檬及越式蕃茄牛腩檬供选择， 价钱一啲都唔平, 由$58-63 不等。地道蟹茄猪肉汤檬 ($63）呷两口汤， 蕃茄猪肉汤底几清甜，肉味都颇香， 但就缺乏蟹鲜， 估计汤底应该冇放蟹落去煲的原故。蕃茄汤够热， 食材有半只细蟹、一旧猪骨连肉、越式肉丸、很多半肥瘦碎肉、芽菜及蕃茄等。蟹仔细细， 蟹膏多, 蟹肉却很少， 冇乜肉食可言， 佢哋旧猪骨连肉同埋啲猪肉碎反而好食, 肉味鲜香。檬粉幼细， 似食紧粗米粉, 爽口但食食吓有点散断。整体都OK， 不过卖$63感觉有点儿……贵! 想试可能11:00-14:00呢段时间好些, 最好打电话问问供应就唔洗白走一趟了。