火舞町 (已結業)

火舞町@大赏十四品铁板烧套餐，呢个套餐都几抵食，原价系$1008，而家只需要$588，仲要每日限量发售，唔怪得成日都买唔到啦🥹！海胆三文鱼子配时令生蚝🦪生蚝嘅鲜味十足，但系又冇腥臭味，加咗啲三文鱼子落去晶莹剔透，仲要有好好味嘅海胆喺上面添呀！日本A4十胜和牛薄烧🐮和牛嘅质素确实有保证，师傅烧到和牛两边都刚好，搞落去嘅时候仲有啲肉汁流出来，真系非常之邪恶！南非鲍鱼🌟南非鲍鱼劲厚肉呀，鲍鱼口感烟韧，无腥味，我都几钟意食！香煎澳洲龙虾尾🦞香煎龙虾肉份量都几多，煎到好香，入口鲜甜，有水准！