三木日本料理 (已結業)

约了美女食饭，大家都想食放题，上网见呢间唔错，订位好爽快，去到早场时间大家入座好爽，二人枱好窄，坐低即刻点菜，当然以刺身寿司行先！食物好快到，摆盘好靓！每款新鲜唔会有雪！最喜欢系赤贝，无腥味又爽口！虾又大又新鲜！军舰卖相比较差，出菜可能好急，蟹子洒到成碟都系！不过味道好正！尤其海胆！好鲜好甘香！炙烧左口鱼裙边：本来好油香，但啲杰挞挞嘅烧汁破坏晒！沙律：北寄贝太多沙律酱，青瓜海带淡茂茂！天妇罗叫了最喜欢嘅南瓜同蕃薯，蔬菜够甜，但炸粉好厚！一般！串烧牛舌：薄切热辣辣，油香满咀！串烧：蕃薯甜但湿，白果特别，蛋淡口，烧菠萝好甜！雪榚：预先𢳂定，雪到实晒，味道又唔够！一般！服务勤快，基本上食完就有店员收碟，点菜纸又快收！不过收钱快手，会提醒我们last order!