影片
更多
2011-04-04
52 浏览
男朋友成日都话我既食评一张相都无, 好沉闷好难吸引人去睇~ 都系既, 不过我真系唔多喜欢影食物 但既然佢甘讲, 我就尽量影多d放上黎la! 所以今次系我第一篇有相既食评! 大埔熟食中心大部分既食店我地都食过, 而呢间一直都想试但揾唔到个好机会, 因为我一路都想揾多几个人一齐去食甘就可以试多几款小菜, 两个人食好难食到d咩最后…都系我地两个人食 呢日黎到大埔, 实在谂唔到食咩好, 呢度大部分既餐厅都比我地食过哂, 我地响街市附近兜左一大轮都揾唔到有咩新野想食, 又唔想翻兜wor, 所以就决定食三小姐!七点多d黎到, 都好多人, 好彩都唔驶等就有位! 三小姐真系好旺, 占几个铺位都一样坐满人! 好热闹! 因为睇过食评, 大部分人都赞呢度既笼仔糯米蒸膏蟹同蒜虾陈村粉, 所以明知两个人食会好饱, 我都一意孤行要叫呢两个, 食唔哂就打包! 不过落单既呀姐听到我地要两个饭面就吓亲la, 问我地食唔食得哂, 话两个笼好大ga wor! 但我真系好想食呢两个呢, 所以都系叫! 呀姐跟住又话宜家凡系叫有虾或者有蟹既菜式都要加多$10! 甘我地即系要比多$20?! 感觉有d唔抵, 明明个菜式已经标左价
大埔熟食中心大部分既食店我地都食过, 而呢间一直都想试但揾唔到个好机会, 因为我一路都想揾多几个人一齐去食甘就可以试多几款小菜, 两个人食好难食到d咩
最后…都系我地两个人食 呢日黎到大埔, 实在谂唔到食咩好, 呢度大部分既餐厅都比我地食过哂, 我地响街市附近兜左一大轮都揾唔到有咩新野想食, 又唔想翻兜wor, 所以就决定食三小姐!
七点多d黎到, 都好多人, 好彩都唔驶等就有位! 三小姐真系好旺, 占几个铺位都一样坐满人! 好热闹!
因为睇过食评, 大部分人都赞呢度既笼仔糯米蒸膏蟹同蒜虾陈村粉, 所以明知两个人食会好饱, 我都一意孤行要叫呢两个, 食唔哂就打包! 不过落单既呀姐听到我地要两个饭面就吓亲la, 问我地食唔食得哂, 话两个笼好大ga wor! 但我真系好想食呢两个呢, 所以都系叫! 呀姐跟住又话宜家凡系叫有虾或者有蟹既菜式都要加多$10! 甘我地即系要比多$20?! 感觉有d唔抵, 明明个菜式已经标左价, $68 (蒸膏蟹)同 $48 (蒜虾陈村粉), 但都仲可以 “海鲜价”, 甘都得.. 算了, 既然难得黎度食, $20就豪比你la!
我地坐既位置对住个厨房, 可以见到d师傅真系系甘炒做唔停手ga! 好快又一碟好快又一碟, d𩠌既卖相仲好鬼吸引! 见到好多人都点既系海皇杂菜煲, 望落去都真系好好味甘既样
望下望下我地个两笼都上枱la! 其实都唔算等好耐~ 呀姐无讲错, 两笼都好大! 哈, 骤眼睇两个个样好似差唔多甘!
蒜虾陈村粉卖相唔错, 虾既数量都唔少~ 蒜蓉落得劲重手, 铺到成个笼都系! 陈村粉既味道其实同普通河粉无咩特别, 只系粗厚左十倍, 多d口感~但蒜蓉渗透左入d粉度,令本身无咩味既粉每一口都变得重口味! 而蒜蓉带辣, 有少少呛喉既感觉~ 虾好淋身, 霉肉多,唔太新鲜, 甘样比多$10真系唔系好抵
笼仔糯米蒸膏蟹同陈村粉一样, 呢个糯米饭又系落左好多蒜蓉…其实我觉得唔需要落甘多, 因为本身葱同埋虾米已经好吊味, 再落甘多蒜蓉反而over左… 好彩糯米饭饭本身好食, 炒得干身, 饭粒分明, 少d油会更好~ 我地发现左d饭里面仲有d好细碎既肉粒, 但唔知系牛定猪la…. 至于膏蟹, 要赞既系真系好多膏, 呈金黄色, 不腥不咸, 明知胆固醇多都唔理要食! 但蟹肉就唔太多了, 好辛苦甘咬碎d壳都系无咩野食到…而且无咩味, 净系食到好大阵蒜蓉味
overall真系有d失望, 因为食材不太新鲜, 食唔到食物应该有既鲜味, 只系食到劲重口味既蒜蓉味, 真系食到嘴都 “where”… 钟意食蒜蓉既朋友可能会好开心, 我呢d本身唔太抗拒既就觉得over左, 而好似我男朋友呢d唔多好既就会食到好辛苦…事实上, 我地食完之后都觉得喉咙唔太舒服同埋个口劲大阵味! 饮左好多水, 食左eclipse, 再饮左支鸿福堂饮品都整唔走个阵味… 第二朝起身都觉得阵味仲响口腔同喉咙到! 要再食多几粒香口胶同喉糖, 再食埋lunch之后我先觉得阵味无左…可想而知佢有几重口味!
张贴
