奇興咖啡餅店

营业中

休息中

朋友系沙田返工，一问之下原来呢间奇兴美食中心都几出名。今日同男朋友一试，发现水准一般之外环境卫生仲好差。图中所见只系餐厅既一少部分。可以不约而同地系不同既方位都见到客人遗留底既纸巾....除左纸巾外地下都唔见得系干净。黑妈妈咁。呢张图系我坐底既位，地下仲有食物。所以坐底时都非常小心。(因为著左白鞋)唔系话要求D咩.....只系连舒服放松地坐底都难。叫左两个常餐。一般般茶记水准。名过于实。唔系午市都仲要系门口等左15-20分钟...五香肉丁唔似罐头咁干同老。不过味道好甜....又唔够辣。蛋挞既出货量好大，门口一直有一个呀婆帮手卖蛋挞。卖单时已经无晒。蛋挞系唔错既。如果想试既可以唔洗黎，食完一次应该咩都够。如果对蛋挞有兴趣系门口买就得。建议大家都唔需要入餐厅。