喫麵 (K11 MUSEA) (已搬遷) 新店位置

今日同老婆嚟到系呢间系K11新开嘅铺头，主打东南亚面食，仲以为剩系得面，原来都有其他东南亚小食、甜品及饮品选择。装修简洁，开放式厨房，见到大部份嘅员工都好年青，有活力。点餐可以手机同用铺面嘅点餐机落单，自助点餐系统方便好用。新加坡喇沙好大碗，有好多配料，鱼蛋、鱼片、半熟蛋、虾、豆腐泡等，汤底浓香，只有少少辣，感觉都几正宗，$98性价比高。炸虾薄饼有少少似中式炸云吞，只是转了虾肉馅料。泰式冬荫配炸木瓜丝，木瓜丝炸完似薯条，唔讲争啲唔知系木瓜，配泰式酸辣酱，香口嘢味。成都红油抄手似烧卖多过似饺子，辣椒油唔会好辣，我觉得在辣多少少会更加配合。鲜芒果糯米糍都有长州的水平，芒果鲜甜，糯米皮皮薄烟韧。澳门葡式芒果木糠布甸基本上同澳门的出品冇乜分别，下次可以单独买外卖攞走食。另外点了两杯特色饮品：白熊牛油果，造型可爱，真材实料，冇加其他调味料或糖，钟意食牛油果值得一试。黑熊珍珠姜奶姜味重，奶味浓又顺滑，只系要食珍珠时只黑熊有少少阻住，需要夹开佢才方便食珍珠。两只熊仔一黑一白都好得意。