同心泰國菜館 (已結業)

去志莲净园前，先去九龙城食泰菜医肚先！钟意九龙城泰菜唔卖花巧装修，食物地度！妈咪话呢间鸭河好正！当然唔错过！去到门口要等5分钟！坐内围四人枱！枱面刚刚执好！唔算干净！枱上好多泰式调味！墙上除了泰王肖像之外都无乜装饰！因为妈咪食开，由佢发版，都系平时大家钟意食𠮶几样！食物好快到！香辣大蚬：呢样系我想食，大蚬大只无沙，但唔算肥美，因为要求了减辣，味道唔够（好后悔）汁酱辣多少许会平衡啲，好多九层塔，索晒啲浓汁，配埋蚬肉食好香口！略微补回汁酱嘅味道！汤鸭河--上枱已经好钟意，清汤好浓味，好多芽菜同芫茜，带出嫩滑鸭肉鲜味！金边粉索晒啲汤！好滑好味！串烧（猪、鸡　）--每款三支，猪肉大块但韧，好难咬开！鸡肉好啲！淋身唔嚡！串烧唔够热，点埋沙嗲酱仲冻！唔合格！海南鸡饭--鸡肉有雪味，嚡嘅，黄色饭只系黄色，无鸡油香味，而且好湿，唔好味！唯一系个酱正常！热龙眼水--够热，唔系好甜，龙眼肉好多，索晒糖水又少许爽口！好味！斋啡--连饮开好甜嘅妈咪都话甜到顶唔顺要加水！唔好味！龙虾片--爽脆咸香，好味！服务几好，店员好帮手，菜色做少许改动都得！唔会死板，我唔饮冻龙眼冰佢又帮我做热嘅！我想点香辣大蚬，又怕两只马