影片
更多
2021-11-06
390 浏览
好味指数😋😋😋😋😋回头指数 ⭐️⭐️⭐️⭐️开心指数🤗🤗🤗🤗🤗今晚约咗家姐食饭，大家决定食好D，拣咗呢间法国菜，我成日都觉得呢间嘅crêpes 系最 classic 嘅！首先叫咗两杯饮品…🍴Kerne “craft cider” ($55)见到台上面有介绍，原来食crêpes 时饮法国苹果酒系 Brittany 最传统嘅食法，当然要试下啦！呢种系比较 dry & fruity，甜甜哋，好香苹果味，好易入口，酒精含量应该唔算太高，我成餐饭饮咗一杯都冇面红！（我平时饮一杯酒个面已经红晒嘅）而台上面嘅 Bolee，就系专门饮 cider 用嘅！🍴Sparkling homemade pineapple & ginger ale cooler ($45)家姐唔饮酒嘅，就叫咗一杯无酒精嘅饮品，我试咗一啖，有好香浓嘅菠萝味，带少少果肉，加埋ginger ale 嘅味道原来系咁夹！🍴Shrimp Salad ($152)嚟到发现都几大碟，上面嘅虾系Grill 到好香，都几大只，够新鲜爽口！另外有芒果、芦笋、小番茄同沙律菜，个沙律汁捞埋芒果后，酸酸甜甜咁，好开胃！下面有Galette (咸薄饼），夹埋一齐食又
回头指数 ⭐️⭐️⭐️⭐️
开心指数🤗🤗🤗🤗🤗
今晚约咗家姐食饭，大家决定食好D，拣咗呢间法国菜，我成日都觉得呢间嘅crêpes 系最 classic 嘅！
首先叫咗两杯饮品…
🍴Kerne “craft cider” ($55)
见到台上面有介绍，原来食crêpes 时饮法国苹果酒系 Brittany 最传统嘅食法，当然要试下啦！呢种系比较 dry & fruity，甜甜哋，好香苹果味，好易入口，酒精含量应该唔算太高，我成餐饭饮咗一杯都冇面红！（我平时饮一杯酒个面已经红晒嘅）而台上面嘅 Bolee，就系专门饮 cider 用嘅！
Kerne “craft cider”
$55
18 浏览
0 赞好
0 留言
🍴Sparkling homemade pineapple & ginger ale cooler ($45)
家姐唔饮酒嘅，就叫咗一杯无酒精嘅饮品，我试咗一啖，有好香浓嘅菠萝味，带少少果肉，加埋ginger ale 嘅味道原来系咁夹！
Sparkling homemade pineapple & ginger ale cooler
$45
14 浏览
0 赞好
0 留言
🍴Shrimp Salad ($152)
嚟到发现都几大碟，上面嘅虾系Grill 到好香，都几大只，够新鲜爽口！另外有芒果、芦笋、小番茄同沙律菜，个沙律汁捞埋芒果后，酸酸甜甜咁，好开胃！下面有Galette (咸薄饼），夹埋一齐食又会多咗一种软软嘅口感！
Shrimp Salad
$152
18 浏览
1 赞好
0 留言
🍴Mussels & French Fries ($178)
呢款系店员特别推介我哋食嘅！本身冇谂过会叫 mussels 食，见特别推介，就试下啦！嚟到时卖相好搅鬼，估唔到食法国菜会用一个好似煲仔饭嘅煲上，打开时见到份量都几多，用咗白酒同洋葱煮，拆一只试下先，mussels 几厚肉饱满，胀卜卜咁，咬落去有少少爆开嘅感觉，加埋少少汤汁一齐食，真系好鬼正呀！果然好推介！
Mussels & French Fries
$178
19 浏览
0 赞好
0 留言
食食吓，有个鬼佬走过嚟问我哋D嘢好唔好食，我哋大赞个mussels 好味，佢话我哋知呢D mussels 系叫 Bourchot Morisseau 法国蓝青口，香港得唔系好多间店有入呢种 mussels，佢哋直接由法国入货，每年嘅7月至12月先有，为咗维持质素，其他时间就唔会提供呢款 mussels 菜色！倾倾吓，先发现原来佢就系呢间店嘅founder😂
🍴La Bigoudene ($128)
首先俾佢上面嘅流心蛋吸引咗我嘅视线，馅料有 ham、emmental cheese，另外可以选择两种蔬菜配料，我哋拣咗番茄同蘑菇。Emmental cheese 系味道温和嘅芝士，加埋Ham，带少少咸香味，番茄蘑菇沙律菜好清新，用流心嘅蛋汁夹埋薄薄嘅Galette 食，好正！
La Bigoudene
$128
18 浏览
0 赞好
0 留言
呢间店嘅Galette（咸薄饼）系用buckwheat flour（荞麦粉）造嘅，系Gluten free（无麸质）！
🍴La Jamaicaine ($118)
嚟到当然要点佢最大热嘅甜品！店员放咗碟甜品上台后，就用火点著装住 grand marnier 个勺淋上面，睇住蓝色嘅火围住烧！Crêpes 上面有云呢嗱雪糕同焦糖化咗嘅香蕉，Grand marnier 已经用火烧咗，留返好轻微酒味，有少少橙香嘅甜味，加埋软软嘅crêpes，真系一流！
La Jamaicaine
$118
31 浏览
0 赞好
0 留言
🍴La Licorne ($88)
呢款crêpes 上面有椰子雪糕、芒果、士多啤梨同cream，个椰子雪糕竟然出奇哋唔错，个椰子味一D 都唔artificial，加埋少少椰丝，系几好食嘅（本身我一D都唔热爱椰子味雪糕）～
La Licorne
$88
18 浏览
0 赞好
0 留言
整体上成个用餐体验都好好，每一道菜都会帮你换碟，员工同老板都好nice 咁同客人互动倾偈同介绍，同家姐过咗一个愉快嘅晚上🥰
张贴
