南國紅豆餅 (已結業)

今日突然之间好想食台湾红豆饼，咁啱有去港岛区揾到而家喺太安楼附近嘅店舖，决定特登揸车去顺便试一试，本身想全部都叫晒。但可能只有一个工作人员，佢话嗌四个要等15分钟，再嗌多啲可能就再耐啲啦。咁所以我就拣咗三个味道；分别系芋泥肉松$15、2个，珍珠吉士$12x1 ,同芋泥$12x1 ,等咗15分钟一上车即刻试吓仲系暖嘅，好庆幸佢系咁啱即叫即做，一咬落去外层好似食紧鸡蛋仔加蛋糕嘅感觉，外面脆脆地入边就系啲馅唔会话太甜，重点一提我本身唔系好钟意食吉士，但因为佢系珍珠吉士所以都决定试一试，出乎意外，一啲都唔腻珍珠仲系好QQ，芋泥都唔错但肉松可能味道唔系太好所以拉低左芋泥味嘅味道。整体来讲如果能够再做到饱满厚d,咁就真系10分高质！