影片
更多
2010-01-01
9 浏览
一早先决定同老公去赤柱食除夕饭，揾完资料就打电话去book，原来做半自助晚餐，二百五十元一位，ok 㖞，不过，佢又要人留credit card 资料，话唔出现要收四十元手续费，哗﹗恶d㖞，无book到，反而book佐对面0个间—King Ludwing Beerhall。六点去到King，因为佢话要八点半交台，其实又唔想食得咁急，见到Wildfire walk in 又有位，又无话要限时，所以都系拣返佢。一坐低，佢俾佐个好近拎野食既位，心念︰无book位，系咁架啦﹗台上有支矿泉水，个女侍应就话，帮你地斟水啦，咁梗系好啦﹗然后就去拎野食，头盘系自助既，都有几多食物，有烟三文鱼、凯撒沙律、翡翠螺、冻虾，我同老公都觉得翡翠螺同d虾都几甜，因为仲早，拎食物都几方便，我见隔离台有个大陆佬拎满成碟三文鱼，唔驶嘛﹗坐到咁上下，见到有对情侣，佢地都系无book台既，佢地有得坐近窗口位，我见0个时仲有窗口位，就叫老公问下可唔可以转位，点知个女侍应用不是太客气既口吻话︰d台已经俾人book晒，心念︰你哩d真系叫做睁大眼讲大话﹗只系食佐第一轮，个女侍应就走埋黎，叫我地order main dish，我就要
一早先决定同老公去赤柱食除夕饭，揾完资料就打电话去book，原来做半自助晚餐，二百五十元一位，ok 㖞，不过，佢又要人留credit card 资料，话唔出现要收四十元手续费，哗﹗恶d㖞，无book到，反而book佐对面0个间—King Ludwing Beerhall。
六点去到King，因为佢话要八点半交台，其实又唔想食得咁急，见到Wildfire walk in 又有位，又无话要限时，所以都系拣返佢。一坐低，佢俾佐个好近拎野食既位，心念︰无book位，系咁架啦﹗台上有支矿泉水，个女侍应就话，帮你地斟水啦，咁梗系好啦﹗然后就去拎野食，头盘系自助既，都有几多食物，有烟三文鱼、凯撒沙律、翡翠螺、冻虾，我同老公都觉得翡翠螺同d虾都几甜，因为仲早，拎食物都几方便，我见隔离台有个大陆佬拎满成碟三文鱼，唔驶嘛﹗
坐到咁上下，见到有对情侣，佢地都系无book台既，佢地有得坐近窗口位，我见0个时仲有窗口位，就叫老公问下可唔可以转位，点知个女侍应用不是太客气既口吻话︰d台已经俾人book晒，心念︰你哩d真系叫做睁大眼讲大话﹗
只系食佐第一轮，个女侍应就走埋黎，叫我地order main dish，我就要 ribs，老公就要肉眼，食唔够多一阵，两碟野就黎啦，哗，咁大碟，味道ok啦，d肉好腍，不过就唔系嫩咁，一共有五大条，分佐一条俾老公，自己食佐两条就放缓落黎，老公就话佢个牛都不错，哩0个时候，见到有d人拣佐pizza，原来系完整的一个大pizza (十足pizza hut 一个大批) 有人只系食佐两件就放弃，最终要拎走﹗仲有，见到门口有对情侣系门口，听完介绍俾人带入黎，佢地就正正坐系我地本来想掉去既窗口位，唉，咁都得﹗最后都明啦，因为佢先编我地坐出d，门口d 人望过黎，咪好似好满座咁啰﹗
当我仲未成功征服个主菜，女侍应又走埋黎，问我系唔系食完，帮我收，唔该睇真d，我仲有两大条，食得慢d啫，唔驶咁﹗你个餐牌写明系6-10架，望一望表，只系七点几，你愈急，我就愈慢﹗
不过，由于系太饱，再战多一条，最终都系放弃，女侍应当然走埋黎收野，仲讲︰帮你地上埋甜品，望一望表，都仲系七点半，我都不禁讲︰要等一等﹗最终，佢系七时四十五分又走埋黎话上甜品，无办法，只好屈服﹗
甜品同餐茶都到佐，老公话想食返转头，又去拎三文、翡翠螺，我就慢慢开始食甜品—有惊喜㖞，有件柠檬饼几好食，同埋有件朱古力蛋糕都几好，最终八点半埋单，女侍应第一次拎单埋黎，五百几，两位连加一，岩数，点知，转头又拎一张埋黎，话刚才计少佐，原来佢一开头0个支水，要收钱，盛惠︰$48，结果总数︰$600 ，oh，原来要收钱，唔系饮唔起，不过，你下次开之前，可以讲声先啰，其他好多餐厅，都会有支野放系度，不过都会讲要收钱既，如果你话要收钱，我不如叫你d饮品啦，大把饮品都做紧买一送一，需唔需要$48开你支水？哩刻，都有少少被屈钱既感觉，不过，老公话费事出声啦，哩间野，都无下次﹗
睇一睇表，结果都系八点半交台啰﹗都系坐唔得耐﹗
好坦白，哩间餐厅，食物质素都不错，不过服务方面，真系要改善下，如果要快快收野，赶做下一轮，我宁愿你讲明要几点交台，咁样被「监视」下食野，都真系唔舒服，食物既然做得唔错，都系时候注意下员工既服务，如果唔系，都几赶客﹗
张贴
