影片
更多
2024-12-31
1442 浏览
2024年最后半个钟，睇住电视跨年Live Show......唔太能投入，不如写埋篇食评。「天星」其实想食好耐，但次次去到一系未开门，一系夜晚排十几人，总系失诸交臂。趁除夕经开旺角，过去一𥄫，居然有位，食喇紧系。店里好逼夹，真系冇乜位，孭个袋大啲都唔掂。可以用手机QR Code点菜，有啲意外，呢间唔系老店咩，咁新潮㗎？睇牌面以为米线唔使四十几蚊一碗，但原来系两𩠌起，即系叫个韭菜豆卜米线已经要成50......如果𩠌多，大碗都ok嘅，但事实唔系。论味道，我好重视米线质地，「天星」啲米线系三流货色，顶多当同普通谭仔打平手。𩠌、配菜味道ok，腩肉够味嘅，系薄啲。鲷鱼，好薄，冇乜咬口，但系爽脆嘅。听讲猪软骨最有名，但我𥄫隔篱枱嘅猪软骨，卖相好一般，冇兴趣叫。评埋个汤底，试咗酸辣麻同胡椒麻辣，还可以，麻辣底同谭仔唔同，似似地营盘街某字号嘅「麻椒」。小辣都几够辣，唔食得辣嘅朋友小心。总算一了一直想食「一星」嘅心愿，但应该冇回头，啲Quota留返去荃湾食。
「天星」其实想食好耐，但次次去到一系未开门，一系夜晚排十几人，总系失诸交臂。趁除夕经开旺角，过去一𥄫，居然有位，食喇紧系。店里好逼夹，真系冇乜位，孭个袋大啲都唔掂。
可以用手机QR Code点菜，有啲意外，呢间唔系老店咩，咁新潮㗎？睇牌面以为米线唔使四十几蚊一碗，但原来系两𩠌起，即系叫个韭菜豆卜米线已经要成50......如果𩠌多，大碗都ok嘅，但事实唔系。
论味道，我好重视米线质地，「天星」啲米线系三流货色，顶多当同普通谭仔打平手。𩠌、配菜味道ok，腩肉够味嘅，系薄啲。鲷鱼，好薄，冇乜咬口，但系爽脆嘅。听讲猪软骨最有名，但我𥄫隔篱枱嘅猪软骨，卖相好一般，冇兴趣叫。评埋个汤底，试咗酸辣麻同胡椒麻辣，还可以，麻辣底同谭仔唔同，似似地营盘街某字号嘅「麻椒」。小辣都几够辣，唔食得辣嘅朋友小心。
总算一了一直想食「一星」嘅心愿，但应该冇回头，啲Quota留返去荃湾食。
张贴
