Tapas Brew (Greenfield Plaza) (已搬遷) 新店位置

个西班牙乳猪系几好食嘅，个皮好脆都几松化，啲肉都好嫩，不过就有啲油腻。Tapas 方面，个蚬真系唔得，冇先未都算，有沙，𠮶个汤底只味好怪，有阵金属/矿泉水咁嘅味，总之就唔好食。蟹饼炸一般，有啲㶶，仲有炸到个外皮有啲甩咗，入面系薯蓉居多，食唔到咩蟹肉。叫咗个海鲜西班牙饭，个饭同上面啲海鲜都好干，似系整咗好耐然之后放喺度保温，最好食系海鲜入面𠮶3块鱼。仲叫咗个一字斧头扒，份量真系几大嘅，但唔知点解个熟度近乎全熟，肉味欠奉，但唔算好硬。总之，唔会再嚟食呢间，价钱都有少少贵，CP 值太低，位置偏僻。