緣味小聚 (93WYS)

营业中

休息中

第一次忍唔住要写食评，因为真系伏到无人有，本身上网睇见到有人话好，想试好耐，试过推介其他朋友一齐食，但被拒绝，原因系（伏到无朋友），但我呢次揾到另一个朋友系琴晚试左。结论：大佬，无下次同不约而同都想写人生第一次食评：-琴晚7点上到去，好快安排到位，因为无用任何coupon，员工推介下就咁点左个大闸蟹套餐368，另加二十几任饮费用，我果枱好快上大闸蟹，真系X(自己加上助语词），我打开第一只系臭嘅，差d呕左出嚟，观感即时无晒，同员工讲，换左另一只上嚟，味道不过不失。之后就上龙虾，其他海鲜等，份量唔系多，员工系隔离帮手蒸。-呢个时候见到隔离枱同个员工讲点解等咁嬲都未上到（我到果阵已经见到佢地系到，我食到一半，佢地仲未上菜，目测面已黑晒）。好快咁个套餐就食晒，但系同fd感觉唔到饱肚，员工推介可以再嗌野食（心谂X啊！仲嗌，未伏够啊，4旧水食唔饱仲要再嗌，食放题食到呕啦！）员工仲时不时行过嚟问唔饱可以再加，d野都抵食。-最后同朋友饮多几罐野走人，埋单每人436，大家都X左出嚟，咁嘅价钱，加多少少buffet 就食左啦。。仲要食到唔饱利申，本身人懒唔想写野，但呢次人生第一次写。