靚煲皇 (已結業)

呢日同朋友行完朗豪坊，喺周围揾下野食~越行越远，行到黎位于塘尾道嘅靓煲皇我地都有少少想打边炉，所以就入左去喇~点知入到去先发觉，原来我地有下场，唔系净番好多时间，所以就转战佢既小菜不过又点都估唔到，做开打边炉既餐厅，小炒都一样出色!我地叫左三个𩠌同一个汤，每碟个份量都唔细架！黄金脆豆腐（$68）首先上嘅系黄金脆豆腐系我最钟意食嘅豆腐呀 一上枱就闻到阵阵香味～因为啱啱炸起嘅关系，新鲜滚热辣！外脆内软，正同出面嘅炸豆腐唔同，佢呢个仲有啲芝麻粒，所以食落去可以感受到芝麻嘅香味～黄金炸大肠（$98）之后就系黄金炸大肠！同样地，佢又系热辣辣既，好香口，外层又脆～仲伴埋一个酸辣酱一齐点黎食，好夹～皇牌口水鸡（$138）最后一个小菜系呢度既招牌菜—皇牌口水鸡！见到佢咁红，已经知道辣味好足喇！如果本身唔系好食到辣嘅，可以好似我咁，用水浸一浸，冲走啲辣味～鸡嘅肉好滑，而且好入味仲有个汤！浓汤鱼腐泡冬瓜汤（$98）料有鱼腐、冬瓜、西芹，好岩而家呢个热热地既天气饮！而且个汤冇味精味，好鲜甜餐厅一样好抵赞嘅嘢系，枱底有usb插头，客人电话无电到唔怕呀！如果大家想食啲特别啲嘅中式小菜，不妨考虑下呢间靓煲皇呀～