影片
更多
2019-02-04
841 浏览
收工揸住架车，一个人肚饿想食肉，见到工厂区平价任食韩烧，推门入去问一个人受唔受理，佢话一个人净系可以提供韩烧，都明白要佢起个锅做鸡煲都好惨，咁就入去坐低准备开餐。出面雪柜肉类全部系已调味个只，有菜有净咁正常平价野冇谂住有咩要求，老老豆豆烧丸都真系几好食，好似bbq咁，我就夹左佢做火锅料个几粒丸，侍应就同我讲系火锅料，我话剪开一半照烧就ok，佢就由我继续。因为佢d调左味既肉真系超咸，咁我就问侍应，如果冇调味既肉可唔可以叫，佢就答我话火锅料黎，咁我以前食韩烧都中意放肥牛落板，问佢得唔得，佢就拎左一份比我。肥牛黎到，其实质素唔错，肥瘦好平均，我落板烧左两块，食落口系差在冇咩牛味。食食下，突然老板娘冲埋黎，抢走左落台个两碟冇调味既肉（系真系冲埋黎抢咁），好差语气咁讲，边个摆低架，安格斯牛黎架，好贵架。我即时吓一吓，都系一碟得四小块既肉，你同我讲咪得，驶唔驶咁大反应，好似我抢野咁，转头仲要企系我隔离大大声x（唔想打粗口）入厨房闹个侍应，系唔系唔想做，咁我就忍唔住问多句，我可唔可以睇睇餐牌，在场所有人都系$158，究竟单人可以食既野包括咩，佢就更爆咁话冇menu，佢地配好晒，我比两个位既钱就可以食
出面雪柜肉类全部系已调味个只，有菜有净咁正常平价野冇谂住有咩要求，老老豆豆烧丸都真系几好食，好似bbq咁，我就夹左佢做火锅料个几粒丸，侍应就同我讲系火锅料，我话剪开一半照烧就ok，佢就由我继续。因为佢d调左味既肉真系超咸，咁我就问侍应，如果冇调味既肉可唔可以叫，佢就答我话火锅料黎，咁我以前食韩烧都中意放肥牛落板，问佢得唔得，佢就拎左一份比我。
肥牛黎到，其实质素唔错，肥瘦好平均，我落板烧左两块，食落口系差在冇咩牛味。食食下，突然老板娘冲埋黎，抢走左落台个两碟冇调味既肉（系真系冲埋黎抢咁），好差语气咁讲，边个摆低架，安格斯牛黎架，好贵架。我即时吓一吓，都系一碟得四小块既肉，你同我讲咪得，驶唔驶咁大反应，好似我抢野咁，转头仲要企系我隔离大大声x（唔想打粗口）入厨房闹个侍应，系唔系唔想做，咁我就忍唔住问多句，我可唔可以睇睇餐牌，在场所有人都系$158，究竟单人可以食既野包括咩，佢就更爆咁话冇menu，佢地配好晒，我比两个位既钱就可以食佢地既安格斯。
故事完结，亦都因为呢个消费体验，本来好肚饿好想食肉嘅感觉全冇晒，睇见厨房入面既老板（好似系，唔肯定）面有难色，我开始明白老板应该都系有口难言。
想表达既系，你又冇menu，有弹性比客人就赚人情味；就算你唔容许，野食又出左，好声好气一句，亦无所谓。地方你既，你话点就点，唔岩食下次最多唔黎（平时我食开卓尔居个间$5xset 肥牛火锅另加$28蚊肥牛$32蚊蝶牛仔骨一样送豆花送菜饱到飞起，加埋女友叫多一碟肉，肉既质素我觉得更好$158都有找。）
有时服务唔驶好高级，最紧要合理，我用左限时内既大半小时黎第一次在OpenRice 发帖，可以表示出我呢一餐既满意程度。
后加一段：厨房老板见我净食猪柳汉堡，过黎问下，食后意见，又话头先有误会，吹下水咁，仲食番佢地推荐自制既甜品。坦白讲，而家香港最难找既小店既人情味，突然番晒黎。
服务比既分数本来系一星，但而家既星星系比面厨房老板同因为我而被x既个位员工（sorry)。
本来最后系：一句讲晒，冇下次。
而家变左：有机会我会再番黎。
桂花糕同其他甜品全自制（正），冰红茶（回忆）
35 浏览
0 赞好
0 留言
张贴
