霸王山莊

营业中

休息中

真系由细同婆婆食过的霸王山庄，荃湾分店结业后都冇再食，前排行去尖东途中竟然畀我发现尖沙咀原来仲有间分店，食完真系令我谂起童年回忆，今日就带爸爸黎再食过。menu原来有唔少素食，素友可以多个选择了。🥘首先就叫左北京烤鸭（半只） $238，首先提提大家一定要趁热食，鸭皮咬落去卜卜脆一啲都唔油，鸭肉嫩嫩的，配搭烟韧有咬口的饼皮同青瓜、烤鸭酱和韮黄食，非常好味🤤🥘糖醋松子桂鱼 $249雪白鱼肉外脆内嫩，厨师已将鱼骨去晒，绝对唔怕会啃到骨，伴以酸甜开胃的糖醋汁，同大量的蕃茄粒、洋葱粒同三色椒，色彩缤纷得黎睇得又食得，如果味道可以再多啲酸就perfect！🥘老重庆担担面 $72挂住影相的我就后先试呢个面，除左份量好大好抵食！摊冻左啲面索晒汤汁竟然更挂汁，花生酱口感更醇厚浓稠，必食推荐。🥘霸王小笼包 ($55)小笼包共有四旧，包外皮薄得黎入面竟有非常juicy的，咬下猪肉系新鲜，啖啖绝对都系精华！**每位茶芥$15。