牧羊少年咖啡館 (已結業)

年近岁晚准备除旧迎新，朋友将旧书送至漂书馆，与此同时来个假日 brunch沾沾文化气息。餐厅座落荃湾大会堂内，格局有啲似小型图书馆， 好似唔食野都有啲书卷气落咗肚咁。原打算来个 All day breakfast ，但睇 Menu后见牛角包餐好大个，俾佢勾引之下就改变初衷。有馅料嘅牛角包丰富了味道口感，除了包嘅牛油香，咸牛肉嘅肉香味的确倍增满足度，遗憾个包冇温度，如果唔系香味一定陪增。碟上嘅沙律菜份量亦较少，不过热辣辣粗厚薯条搭够补返唔少分。维也纳咖啡内注入大量忌廉，忌廉带走晒咖啡嘅苦涩味，入口立时口甜舌滑，虽然唔系自己喜欢嘅咖啡口味，但一定啱咁喜好滑溜口感嘅朋友。