影片
更多
2014-08-24
2310 浏览
曾到访过辛安东元祖奶奶鸡铜锣湾店，𠮶次除主打嘅奶奶鸡之外，亦试咗多款特色小食，感觉良好，既有新鲜感，又食得滋味。今回再访，则嚟到铺位较大嘅旺角店，食完奶奶鸡仲可以晌附近嘅HeSheEat、Next Station Dessrt、乐甜品……等食埋甜品先走，一定带著满足返屋企。未入店内，门口挂满食客对店家嘅心意「鸡牌」，已经喺一个颇有趣嘅场景，其实，想咩就写咩都得啦，不妨写下对朋友嘅祝福都唔错啦。（注：上到二楼都一样见到相同用作挂纸牌嘅大铁网）楼高两层嘅旺角店，比起铜锣湾店确然大好多，水泥地板，水泥配灰砖墙身，带著一份随意、粗豪，而墙上唔少韩国怀旧海报，喺其特免，而嚟帮衬嘅客人大多数都喺一大班嘅后生仔女，整个场都变得满载欢乐气氛！虽然再访，奶奶鸡始终喺重点之一，仲要拣番上次都食过嘅釜山鲜蚝版，另外，再加啲之前未试过嘅小食及主菜，临尾嚟个热锅及饭品，已成为一餐丰富嘅韩食。釜山鲜蚝奶奶鸡 $178半只 / $258全只奶奶鸡固然好食，加埋釜山鲜蚝当然双重滋味。奶奶鸡喺接到单先做，制作需时，所以旺场之时更要耐心等候。由于我哋都唔喺嗜辣之人，要个小辛级别已经好够（辣度分无辛、小辛、中辛及激辛），「
未入店内，门口挂满食客对店家嘅心意「鸡牌」，已经喺一个颇有趣嘅场景，其实，想咩就写咩都得啦，不妨写下对朋友嘅祝福都唔错啦。（注：上到二楼都一样见到相同用作挂纸牌嘅大铁网）
楼高两层嘅旺角店，比起铜锣湾店确然大好多，水泥地板，水泥配灰砖墙身，带著一份随意、粗豪，而墙上唔少韩国怀旧海报，喺其特免，而嚟帮衬嘅客人大多数都喺一大班嘅后生仔女，整个场都变得满载欢乐气氛！
虽然再访，奶奶鸡始终喺重点之一，仲要拣番上次都食过嘅釜山鲜蚝版，另外，再加啲之前未试过嘅小食及主菜，临尾嚟个热锅及饭品，已成为一餐丰富嘅韩食。
釜山鲜蚝奶奶鸡 $178半只 / $258全只奶奶鸡固然好食，加埋釜山鲜蚝当然双重滋味。奶奶鸡喺接到单先做，制作需时，所以旺场之时更要耐心等候。由于我哋都唔喺嗜辣之人，要个小辛级别已经好够（辣度分无辛、小辛、中辛及激辛），「无辛」似乎欠缺少少风味，小辛就啱啱好，惹味中又引嚟点点刺激，此外酱汁香浓带甜，鸡件肉质细嫩，鲜蚝亦肉厚鲜甜，加埋薯仔、青瓜、红萝卜等配菜，以及嚟自韩国嘅水晶粉，索满酱汁，烟韧滑溜，真喺越食越滋味。
巴马火腿水冷番茄 $58店员介绍依款水冷番茄喺前菜新菜式，水冷番茄冰凉爽甜，配合埋晶莹的蟹籽、爽脆嘅沙律菜，为夏日带嚟清新嘅感觉，而巴马火腿亦见质素，油润咸香，跟番茄味道对立鲜明。不过……依个冷盘又跟韩食扯唔上咩关系啫！
烧芝士饺子 $52据店员介绍，饺子都喺店内即包，唔喺街外嚟货，显出当中诚意。饺子以猪肉及韮菜作馅，包得饱满，加入少少肉酱及芝士烘焗，味道几浓香，但喺，可能饺子烚耐咗再焗，口感梗喺有少少过腍嘅感觉。
韩牛汉堡扒 $88一碟两件汉堡扒，店家已讲明汉堡扒自家制，以安东韩牛刴制，不过，跟惯食开嘅汉堡扒晌口感上有啲落差，牛肉似乎打成浆再做成汉堡扒，缺乏咗汉堡扒应有嘅松化感同有肉粒嘅质感；配以辣辣甜甜嘅酱汁，个人而言亦唔喺太夹。
急递锅 $78急递锅都喺第一次食，几似我哋嘅杂菜煲，锅中有泡菜、韩式腐皮、韩式鱼蛋，整体味道中辣，酸香刺激；而韩式鱼蛋入口较粉黏，唔喺爽口型，所以，别跟港式鱼蛋比较。事后听朋友讲，依种急递锅原来喺东大门嘅小食之一嚟。
芦笋韩牛炒饭 $88石头窝饭喺传统韩式饭品，以石锅载住，热力逼人。饭底以露笋、韩牛粒、甘笋炒成，饭粒炒得够干身，味道均匀，热辣辣，又有饭焦，真喺唔错。另附有一碟紫菜，睇过啲韩剧，知道可以用嚟包住啲饭食，又有另一番滋味。
韩国果汁碳酸 $18 / 韩国鲜奶果汁 $18辛安东嘅饮品选择挺多，绝唔喺一般嘅汽水嚟，有玄米浆、原粒提子汁、粒粒雪梨汁、韩国果汁碳酸、韩国鲜奶果汁、Asahi啤、真露（韩国烧酒）……等等，今次就前后试咗两罐：凤梨味韩国果汁碳酸（$18）及蜜桃味韩国鲜奶果汁（$18），前者喺有气果汁，味道唔错，但唔会有咩多大惊喜；后者喺饮落似果汁，奶味不重，蜜桃味香甜，感觉还算得上自然。
总结两次嘅经验，奶奶鸡的确保持水准，无乜叫人失望，至于其他新试菜式，大致都叫人食得称心，只喺部份仍需要稍作改良一下。
张贴
