新麻蒲 BBQ (東港城) (已結業)

都几耐冇食过韩国菜，今次就去食lunch~呢间餐厅主打韩烧，但今日就想试吓佢除韩烧以外嘅其他韩式菜式~前菜有啲韩式小菜，小辣，个人比较钟意黑木耳同埋鱼片，黑木耳有几香嘅麻油味，鱼片就辣辣地比较开胃~叫咗两个set lunch，包括原味烤鸡肉套餐，韩式烤鸡肉甜甜地味道都唔错，蔬菜份量同鸡肉比较平均，整体比较健康。蔬果款式较多，有比较爽脆嘅红萝卜同翠玉瓜，搭配鸡肉一齐食会有田园感觉，系我比较钟意嘅套餐~套餐饮品我拣咗热柚子蜜，比较喜欢佢不太甜，反而淡淡的甜味比较清润可口~朋友就叫咗牛肉石锅拌饭，本身拌饭系唔辣嘅，但系佢会俾咗啲甜甜地嘅辣酱，可以自己按个人喜好选择。拌饭嘅材料比较多，有唔同种类嘅蔬果，亦都有肉类同鸡蛋，整体感觉比较均衡，捞埋一齐食会食到唔同嘅层次。而且因为用石锅，食物嘅保温程度比较好，食到最尾都食到热辣辣嘅饭👍套餐饮品跟咗蓝天柠檬汽水，整体卖相唔错，饮落都冇失望，柠檬味道较重，饮落有酸酸甜甜嘅感觉，比较开胃。而且饮品够冰冻，适合炎炎夏日解渴～