意粉狂熱 (屯門時代廣場北翼)

营业中

休息中

朋友刚失恋心情吾多好，作为老友梗系要开解吓佢。佢话想饮酒，我担心佢酒后失控，唔想佢饮太多。所以专登唔去酒吧，拣咗间西餐厅。呢间西餐厅叫做意粉狂热，系日式嘅西餐厅；有啤酒，红白酒同西班牙酒，价钱都算抵饮。我叫咗个羊架配薯条，加$38可以多个汤同饮品，我拣咗南瓜忌廉汤同埋芒果橙汁。南瓜忌廉汤够浓有南瓜味好饮，香橙芒果汁就一般。至于羊架都算好好味，但就嫌佢唔够酥；不过呢个系个人喜好啦。朋友冇乜胃口，只系叫咗个厨师沙律，平平哋$48。但我见佢都算丰富有鸡蛋，三文鱼芝士，睇落都几靓，少少哋当浪吓肚，饮酒无咁易醉。有人话甜品系治愈心灵嘅良药，最后我都叫咗个朱古力窝夫同佢share；希望佢能尽快收拾心情重新开始啦。