影片
更多
2021-12-21
709 浏览
「今晚 .. 可摸耳陪我食饭.」「可摸耳 ? 摸你只耳 ? 」我回道 . 「可唔可以陪我食饭 ? 我系北角 . 」「可以 , 但你要等我搭车过黎.」我回道 . 「Okay.」一见面 , 佢就俾咗一箱野我拎住 . 原本我都唔知点解突然约我 , 直至我细细声问佢呢箱唔通毒品黎 ? 佢先讲我听 佢今日俾人炒鱿鱼 佢今日炒左老板鱿鱼.「咁今餐我请啦 , 当补偿我咁迟先到.」(哄下佢都应该既)因为有一大箱野 , 所以就揾咗呢间坐得舒服啲又有卡位既四宝食堂 .点知佢一落单就落咗一个叉烧滑蛋饭同三道小菜 (一碟柠檬鸡球 , 一碟忌廉栗米石班块, 一碟椒盐豆腐 ) , 仲想饮啤酒 !!!!!!!! 化悲愤为食量 ??????野食就随佢叫啦 , 但啤酒就唔好啦 . 我见小菜加20蚊就可以升级套餐 , 有个养生炖汤 , 就呢个啦 , 再加杯忌廉红豆冰俾佢 .叉烧滑蛋饭一上枱俾佢吓亲 , 洗唔洗咁大碟 !? 啲叉烧蛋铺得好满 , 叉烧唔嚡口 , 滑蛋冇水汪汪亦冇过老 , 淋系面既黑蒜油几好 , 令整体食落冇咁腻 .不过我最大疑问系佢究竟用咗几多只蛋 ? 柠檬鸡球 睇返餐牌全名应该系火龙果柚子柠檬鸡球 ,
「可摸耳 ? 摸你只耳 ? 」我回道 .
「可唔可以陪我食饭 ? 我系北角 . 」
「可以 , 但你要等我搭车过黎.」我回道 .
「Okay.」
一见面 , 佢就俾咗一箱野我拎住 . 原本我都唔知点解突然约我 , 直至我细细声问佢呢箱唔通毒品黎 ? 佢先讲我听 佢今日俾人炒鱿鱼 佢今日炒左老板鱿鱼.
「咁今餐我请啦 , 当补偿我咁迟先到.」(哄下佢都应该既)
因为有一大箱野 , 所以就揾咗呢间坐得舒服啲又有卡位既四宝食堂 .
点知佢一落单就落咗一个叉烧滑蛋饭同三道小菜 (一碟柠檬鸡球 , 一碟忌廉栗米石班块, 一碟椒盐豆腐 ) , 仲想饮啤酒 !!!!!!!! 化悲愤为食量 ??????
野食就随佢叫啦 , 但啤酒就唔好啦 . 我见小菜加20蚊就可以升级套餐 , 有个养生炖汤 , 就呢个啦 , 再加杯忌廉红豆冰俾佢 .
叉烧滑蛋饭
一上枱俾佢吓亲 , 洗唔洗咁大碟 !? 啲叉烧蛋铺得好满 , 叉烧唔嚡口 , 滑蛋冇水汪汪亦冇过老 , 淋系面既黑蒜油几好 , 令整体食落冇咁腻 .
不过我最大疑问系佢究竟用咗几多只蛋 ?
柠檬鸡球
睇返餐牌全名应该系火龙果柚子柠檬鸡球 , 其实就系柚子柠檬汁炸鸡球 , 然后有啲火龙果做伴碟 , 卖相唔错 . 鸡球属于刚好炸起好脆身果只 , 配埋
啲酸酸甜甜既汁几正。
忌廉栗米石班块
呢个我食落应该系真石班 (唔系唔好揾我,我唔系海关,Tks) , 同鸡球都系一样热辣辣炸起 . 忌廉栗米系北海道形式 , 颜色比平常白 , 质地黏稠啲 , 更容易挂系石班块上面。
椒盐豆腐
通常坊间既椒盐豆腐都会切到好细粒 , 但呢间反传统系「一碌碌」上 , 但口感一样咁丰富 , 外脆内软真系好难唔钟意 . 呢道菜都系佢食得最多既一道 .
虽然饱到痴线 , 但见佢开心返都值得既 . 下次再食 ? 得 , 但唔会俾佢落单啰 !
张贴
