皇室1號東九龍

营业中

休息中

呢个场够大，礼拜怕等位，纯粹贪方便。十点几到，就嗌住啲十一点前叫得嘅嘢先。同巨盒有一定距离，所以呢间酒楼反而少细路，成人长者居多，相对冇咁吵耳，系啲椅背起哂渍，天花灯黐哂尘，布帘都披哂口......唔想盘算咁多，嗌咗个组合四$208，唔明中华沙律面头无啦啦有几粒花生，再衬分蹄系咩玩法。其他诸如春卷、虾饺都系普通酒楼质素，海虾伊面算系多虾，有8只，冇乜雪味，汁底啱啱好够成碟伊面捞匀。到十一点后，陆陆续续有客叫嘅乳鸽被推车仔而出，原来$38两只，叫左一篮子，真材实料原只上，附上较剪自己拆骨，肉唔多，唔驶点淮盐都够味。