煌府婚宴專門店

营业中

休息中

礼拜日上午九点几十点攞飞，迫爆，要等位，唔算耐。知客都严谨，一定要check哂在座所有人已嘟安心出行，不过态度诚恳。酒楼装修有啲娘娘地英式乡村田园风味feel，分配咗角落张5-6人枱，坐得比较舒适。现场因为声音嘈杂，所以大家讲嘢都冇咩影响，啱哂一家大细嘈嘈闭、倾偈唔驶压低声底。口痕叫咗碟好耐冇食嘅擂沙汤丸，一碟四粒黑芝麻馅，轻轻一夹已唧咗啲馅出嚟，小甜，几粒连环食唔觉漏。郊外油菜之生菜都几大碟，走咗几多油。抵食之选系个太极鸳鸯饭，超多汁，𩠌够多，碟头大又深，足够5-6人食有余。鱿鱼酥个脆浆就唔系我钟意𠮶种质地，件数亦偏小，鱿鱼亦太幼。以附近冇乜同类型大众化酒楼嚟讲系一个方便选择。