奇香冰室 (已易手) 新餐厅

见天阴阴，本身冇乜兴趣出街揾食，点知屋企人话想出去行吓，谂起本揾食书介绍过呢间冰室，于是决定嚟呢度试吓胜利道宠物店就多，行过谂住望吓挂出嚟嘅店牌，又唔多觉眼㖞，所以要揾呢间冰室真系要落足眼力！到揾到，果然系一间唔多起眼嘅舖头，加上天阴阴，真系随时行过咗都唔知．．．入到去，地方细细，连五张卡位都系得九张枱餐牌中唔系好多选择，如果想要乜乜套餐，唔好意思，除咗两set早餐，系冇其他set餐你拣嘅最后我地拣咗饮食书推介嘅三丝烩意粉，仲有佢地墙上写嘅奶油猪仔包，另加牛肉三文治，再加上热朱古力首先嚟嘅系饮品，个杯好靓呀！同间冰室好唔match啰，哈哈哈　但奇怪系我同屋企人叫埋同一款饮品，一杯多奶，一杯好浓，即系手势唔系太定啦跟住嚟系猪仔包，超得！又热又脆！本来想再encore，但话卖哂喇．．．．　我地只好叫牛肉三文治啰跟住意粉到，卖相都唔错，食落淡淡地，蕃茄味好香，但可惜系料唔会好多，同埋啲意粉太碎。收$25一碟，我屋企人觉得贵咗少少，我觉得中上啦最后三文治到，块包好软，牛肉又多，又热。我屋企人食话系新鲜牛肉总结系：嘢食唔错，我会再嚟～